بنات المنتدى .. صديقاتي… عندي مشكله محتاجه اني اسمع ارائكم فيها لانها تهمني شخصيا.. المشكله تخص بنت خالتي ياليت تفيدوني بارائكم…. هي بنت عمرها 22 و في انسان عمره 24 يحبها و تحبه من 7 سنين تقريبا .. كانو يتريون انه يتخرجون عشان اهلها يوافقون على الزواج.. طبعا حبهم حب عذري .. و هاذا الانسان وااايد يحبها و يتمناها اليوم قبل باجر … تخرجوا ولله الحمد .. و فعلا تقدملها ويوا الحريم رمسو امها … طبعا هله ناس راقيين و طيبين و معرفتهم ثروة … المشكله انه هلها ما وافقو عليه .. بتقولون ليش؟؟ لانه ببساطة الريال مب منا و لا فينا بما معناه انه الريال بلوشي … عشان هذا السبب ردوه .. الريال ما في احسن منه .. الريال لانه يحبها و يباها مستعد انه يتقدملها مرة و مرتين و ثلاث و عشر .. هي الصراحه ما قدرت تقوله سبب الرفض .. قصت عليه قالتله عشان انته صغير يوم سالها.. ما تقدر تقوله مثل هاذا الكلام… لانه حتى امها يوم رفضتهم ما قالتلهم عشان الاصل و الفصل قالت لانه الولد صغير وبس.. هي مراات فعلا تفكر في سالفة الاصل و الفصل لكن في نفس الوقت تعرف انها لو خذته هالانسان تعرف انه بيسعدها في حياتها …
مسكينه كاسرة خاطري .. كل ما تشكيلي ما اعرف شو ارد عليها اقولها اصبري انشالله الله يسر امورج وتاخذينه ..
الحين ابا اعرف انتو شو رايكم في الموضوع يا بنات و هل بتقبلون تردون ريال اخلاقه عاليه عشان سالفة الاصل و الفصل؟؟ جاوبوني يا بنات .. انا ما اعرف شو ارد عليها الصراااحه خصوصا انه في بينهم حب كبير و بعد فعلا عندنا في العايله يفكرون فلانه خذت فلان ولد فلان و لا شوفو فلانه منو خذت .. يعني وااايد تهمهم امور الاصل و الفصل و هي فعلا متخوفه و تفكر شوي من هالناحيه لانها يوم حبته كانت صغيرة ما كانت تفكر في هالامووور بس الحين يوم صارت الامور جديه و تعلقت فيه و هو تعلق فيها ما تقدر تتركه … خصوصا انه هو من النوع الللي بيذبح عمره عشانها بس المهم تكون معاه.. يعني حتى لو هي حاولت تتركه ما بتقدر .. واااايد متعلق فيها .. حتى انا اقولها لو بيتم جيه بعد العرس وايد زين ههههههههههه ارفع ضغطها…يحليلها .. حاولت انها تتركه لانها قالت خلاص ما في امل .. لكن هو مصر وبرجع يتقدملها مرة ثانيه…
احتاج ردودكم يا بنات
اهم شي اخلاق والدين صح اصل مهمين بس صراحه الدين والاخلاق اهم
قال الله تعالى:فى سورة الأنبياء
وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ
أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ
ربي يوفقج اختي 
والريال بدينه وخلقه
وأنا صراحـة أستغرب من الأسر الي ترد الريال على عرقه أو قبيلتـه
ما أبغى أقول كلام يزعل حد
لكن فعلا هذا الي كان يستوي بعصر الجاهلية
ترى الدين نورنا خواتي حافظو على النور في قلوبكم
ولا بتظلم القلوب وبتتكبرون وتذكروا
بين حقيقة الكبر النبي صلى الله عليه وسلم في الحديث الذي رواه مسلم
وأحمد وغيرهما من حديث عبد الله بن مسعود عن النبي صلى الله عليه وسلم قال:
لا يدخل الجنة من كان في قلبه مثقال ذرة من كبر،
قال رجل: إن الرجل يحب أن يكون ثوبه حسناً ونعله حسناً،
قال النبي صلى الله عليه وسلم: إن الله جميل يحب الجمال، الكبر بطر الحق وغمط الناس.
ومعنى بطر الحق: دفعه وإنكاره ترفعاً وتجبراً.
ومعنى غمط الناس: احتقارهم.
للحين يهمهم الاصل والفصل .. لا وازيدج حتى لو ياهم واحد اصل بينبشون في قبور اهاليهم عسب يتأكدون ان ماشي عرق
سخااافه .. يعني دام عنده جواز وانولد وتربى فالبلاد ونفس لغتنا وطبعنا وعاداتنا ويمكن احسن بعد
ينسون كل شي ويركزون ع الاصل
وياما تزوجوا ناس عرب عسب الاصل بس وطلع مافيه اصل من ناحية الاخلاق
الله يهدي الجميع يارب
ويوفقها ويكتب لها اللي فيه الخير
خل يتقدم لها اكثر من مره يمكن يوافقون
وهي تودره لان مب زين تتعلق فيه اكثر وبروحه هذا اثم عليها وعليه
والله يوفقهم
وامممم من ترضون دينه و خلقه ف زوجوه …
أذآآ الريااال يباااهاا …. خله يتقدم لهاا لو عشرر …. وهي تحاااول تقنع اهلهاا به ….
وله تصلي صلآلآه استخااره … يمكن يكون خير لها ويمكن لا…
وبعديين الاهل دووووم يبون لعيالهم الزين …. عيل تاخذ لها واحد وعقب الناس تعايرها فيه … ويوم عن يووم يمكن تغير راااااايها فيه ….
و هذاا مب اخر رياال فالدنيآآآآآ …
انا من رايي … تسمع كلآلآم اهلهاا …. وله تحاول تقنعهم ….. بسس
اذآآ ما رضوو تشيل هالفكرره من باالها وتخلييه يرووح ف دربه … وهي فـ دربهاا
يكووون احسن للطرفين ….
حرآآم بعد هووه كل يوم بيدق الباااب و يرفضونه …….
وبعديين صدق هذآآ مب عذر …. يقوولوون له بعدك صغير … الي ف عمرهـ عندهم عيال ….
وبصرآآحه الأصل والنسب مهم فهالساالفه …. هذا زوااج مب لعبه ….