ادري اغلبكم متابعيني وتدرون عني….
أدري ان الارزاق بيد رب العالمين…..وانه هو وحده اللي يعطي والناس ما تعطي….
نفسي أحمل…والله نفسي أحمل حالي حال باقي الحريم….كل اللي حولي احملوا وولدوا واحملوا وولدوا ما شاء الله الله يحفظ لكل شخص عياله….انا بعد ابي عيال افرح فيهم…..
نفسي وأمنيتي تتأخر الدورة وأروح أفحص ويطلع بوسيتيف…وأمنيتي أسوي فحص منزلي ويطلع خطين..
لا اعتراض على حكم الله….
بس اباكم ما تنسوني من الدعاء….هذا انا اصبر واصبر واصبر بس بعد فتره لازم انفجر واحب اقول اللي بقلبي…..ادري موضوعي مب غريب عليكم…ويمكن مليتوا منه……بس لا تحرموني من دعواتكم…احس اني متضايقه وايد..ولا اقدر اقول لأمي أخاف تتعب…..دموعي ما توقفت احس اني ماني قادره اتحمل….سامحوني
ومايمر هالشهر الا وانتي حامل باذن الله
لا تقطعين الاستغفار أبدا … مع سورة البقره وقيام الليل
( ربي هب لي من لدنك ذرية طيبة إنك سميع الدعاء)
(ربي لا تذرني فردا وأنت خير الوارثين)
اختي الغالية ^^
هونيها وتهون 
,, أنا بعد خاطري أحمل واستانس شرات كل الحريم ,, خواتي كلهن ربن ماشاء الله وأنا بعدني
لكن سبحان الله دوم أفكر بايجابية ,, واقول اكيد رب العالمين يحبني ,, فمستحيل ما يزقني بعيال حاليا اذا فيهم خير حقي
يعني باختصر ,, ممكن الحين أحمل وأولد ,, ولا سامح الله الولد يكون غير كامل الخلق ,, أو غير بار بي وبأبوه أو أو أو وايد شياء
يعني سبحان الله " عسى أن تكرهوا شيئا وهو خير لكم " ,, اكيد في حكمة من تأخر حملنا ,, وصبرنا بيجازينا رب العالمين عنه بأحلى كتاكيت ^^
ربي يرزقنا الذرية الصالحة اجمعين ونفرح بيها ,, وتكون بارة فينا يا سميع يامجيب
(ربي لا تذرني فردا وأنت خير الوارثين)