انا أهلي يعلقون علي دايما أمي وأختي وأخواني من صوب ..لازم يطلعوا عله في اللبس مع اني اشوفه حلو .. الجلابيه ما يناسبج لو لبستي جي بيكون أحلى ..البدله ما ادري شو.. على هالحاله على كل لبسه
الي الاحظه اني اكثر وحده يطيحون فيه مع انه معظم خواتي موب ذاك اللبس..ودايما اذا في شي يحطون رأيي في الهامش.. خلاص كرهت أروح بيت أهلي
فشو السبب في رأيكم هل لأني هاديه فياكلون الطيب من جذوره..وكيف أطور وأقوي شخصيتي
وياليت القى حل ^_^
ولا تهتمي او تشيلي فخاطرج عاادي ..
والله يحنن قلبهم عليج …
لكن خواتج قوليلهن انا مرتاحه وعايبني الي لابستنه …
ردي عليهن باسلوب ان هالشي عايبنج يعني لاتخلين تعليقهم تاثر عليج ولا تبينين جدامهن^^
يعني هذيل اهلج ولازم بتمرين عليهم مهما كان ^^
مهما كانت التعليقات خذيها من الناحية الايجابية مب السلبية
يعني لو قالو ان هاللبسة مب حلوة عليج ري بدون ما تاخذين على خاطرج منهم ردي بمزح قوليلهم مثلا مع اني اشوف نفسي وايد حلوة يعني من هالشغلات
فخلاص عودي عمرج انج تلبسين اقل شي مخاوير او جلابيات حلوة
اعرفي الحين الحريم عندهم بس يعلقون على غيرهم
ومن التهى بعيوب غيره زادت عيوبه
نسى عيوبه وزدات
الواحد عليه بعمره يحاسب عمره يشوف بيته ونفسه والزوج والعيال
وما يحط عمره حساب للناس
ما يكون انتقادي
وخليج دوم حبوبه وتضحكين وفرحي الناس اللي تيلسين وياها
والمهم الثقة بالنفس وخليج دوم الاحسن
واذا قالولج لبسج مب حلو قوليلهم : تصدقون عااد انه هاي اللبسه اللي لابستنها امووووت عليها ! 
بس بمزح وسوالف 
هنييه هم المره اليايه ما بيعلقون علييج لانه يدروبج انج ما بتتأثرين والدنيا كووووووووول عندج
خلي روحج رياضيه