اليوم حبيت اخذ رايكم ف موضوع واتناقش معاكم فيه
واعتقد انكم عرفتو من العنوان نعم احنا نعيش ف مجتمع شرقي له عادات وتقاليد والكل يعرفها ويحترمها لكن هل من الخطأ ان البنت تبحث لها عن شريك حياة ( زوج المستقبل )
يعني ف المجتمعات الثانية مثل الهند وباكستان وغيرها من المجتمعات اهل البنت هما اللي يبحثون عن عريس لبنتهم
لكن احنا كدول الخليج لازم العريس هو اللي يدق باب بيت اهل العروس مب العكس
لكن في واااايد بنات الله يستر عليهم ويرزقهم بالزوج الصالح ومن بينهم انا <<<< لاتحطون ف بالكم اني اتكلم عن نفسي انا اتكلم بصورة عامة
ننتظر هذا الزوج اكييييد كل شي قسمة ونصيب ما قلنا شي
لكن في اهالي يتشرطون ويشترطون ع الخطاطيب ويطفشونهم او انهم يردونهم لاسباب مختلفة
وطبعا العمر يمشي ويمشي والبنت هذي بعدها ف بيت اهلها
اللي ابي اوصل له يا ترا عيب لو البنت كلمت خطابة تدور لها ع عريس او تكلم حد من معارفها او صديقاتها تدور لها ع عريس او اذا اعجبت بواحد انها تصرح له بنية الزواج
واتمنى منكم التفاعل والرد ونتناقش بأسلوووب حضاري
وسووووري ع الاطالة
اذا الله كاتبلي نصيب
نصيبي بييني لين عندي
بس انا اربيعتي قالت للخطابه تبا معرس بس سبحان الله كل اللي تيبهم فيهم عيب…
اللله يوفقج ان شاء الله ويرزفج الريل اللي تتمنينه
الله يوفقج ويرسلج زوج صالح من باب الغيب يارب العالمين انا اتمنى لج من كل قلبي وع الأذان الظهر إن شاء الله جريب يتحقق امانيج واماني كل مسلمين يارب
اللي تبغي رقم خطابة تراسلني ههههههههههههه