هل هذا سرطان ولا هرمون الحليب

السلام عليكم ورحمة الله وبركاته
بغيت حد يساعدني ضروووووووووري انا احس ساعات بألم في ثدي الأيمن بالم حاد شوي ويروح ………..أبا أعرف اذا هذا سرطان الثدي و لا لا
صراحة خايفة أروح أفحص أرجوكم الي تعرف شي ترد لي على الخاص

مرحبا حبيبتي ^__^

انا دكتوره وبقولج رايي..

اختيه الالم الحاد اللي تحسه المراه ساعات في صدرها شي عادي يصيب وايد حريم.. اذا انتي متزوجه و مرضعه فهذا بعد يصير اكثر..

بخصوص السرطان ربي يجيرنا والتهابات الصدر انا بقولج شلون تعرفين عشان انتي تستفيدين وكل الحريم يستفيدون ربي يبعد عنا وعنكم الامراض :

الاتهابات: راح تبدا باحمرار في الصدر و احتقان.. بمعنى تحسين صدرج شوي منفوخ وقاسي شوي شفتي كيف البالونه لما تنتفخ كاامل بالهوا؟ وراح يكون لمس الصدر مؤلم جداااااا.. بعدين ممكن يكون فيه افرازات من الحلمه لونها على صديد..

السرطان: احنا الحريم نخاااااااااف من نحس بالم خفيف في صدرنا.. بالعكس لازم نرتااااااااااااح.. ليش؟ لانه السرطان ربي يجيرنا يكون بدون الم كلش.. عشان جيه تكون معظم الحالات متاخره لما اتيي المستشفى.. بتقولون عيل كيف نكتشفه؟ بسيطه.. بالكشف على الصدر.. السرطان والاورام الحميده كلها تكون بدون الم.. بس تعرف عن نفسها بوجود كتله في الصدر..

بتقولون كيف نعرف اذا خبيث او حميد؟ بسيطه انا بقولكم:

الحميد: تكون الكتله يابسه بس معظم الوقت سهله تتحرك في الصدر.. يعني كانج تحسين بكره في الصدر.. ويكون ملمسها مثل ملمس ارنبه خشمج.. شفتي الغضروف اللي في قمه خشمج؟ المسيه وشوفي ملمسه.. جذيه ملمس الورم الحميد..

الخبيث: الكتله ياااااابسه مثل الحجر.. يعني تحس المراه بوجود مثل الحجر في صدرها.. وثابته مكانها في معظم الحالات.. ومصحوبه بافرازات دمويه من الحلمه.. واكثر شي يميز السرطان انه يصيب الربع الخارجي الاعلى للصدر.. يعني لو قسمنا الصدر لارباع.. فيه ربعين داخل وربعين بره جريب الذراع.. وبعد يعني انه فيه ربع فوق وربع تحت الحلمه.. الخبيث يصيب الربع الخارجي اللي فوق الحلمه..

فلا تحاتين حبيبتي .. بس اذا كنتي مرضعه احسن تراجعين الطبيب لانه احتمال الاصابه بالتهابات الصدر عااااليه بين المرضع ^___^

واي سؤال انا حاضره وما تشوفين شر ^____^

للرفع

بما انج دكتوره حبيت اسئلج^_^ اسئلة وايد

اختي هل يكون في ثدي معين يعني مثلا هالمرض الخبيث(الله يكفينا شره يارب) يكون بس في الثدي اليسار ولامب شرط اي ثدي او الثديين؟ (((يمكن سؤالي يضحك بس ترى حبيت اتاكد))).

والسؤال الثاني هل يكون الانتفاخ بكامل الثدي ولاجهة معينة؟وهل الافزازات تكون متاخره يعني بمرحلة متاخره من المرض؟

وليش الثدي يكون متصلب ومنتفخ بعض الشي ويؤلم بعض النساء قبل الدورة بيوم؟وهل له علاقة بالمرض؟

ويزاج الله خير

بسم الله ,, إنتي ليش تفولين على عمرج

روحي المستشفى محد يقدر يوصف هالشي

إلا الفحوصات الطبيه بالاجهزه

الله يكفينا شر هالامراض ,, ولا اتمين توسوسين

الله يشفيج يــــــــــاارب

^_^ أحبج فالله ,, أختج ام شيخه

………………….

هلا اختيه ^____^

من عيوني حبيبتي بجاوب على اسئلتج كلها واذا عندج بعد اي اسئله ثانيه حياج الله ^___*

1-اختي هل يكون في ثدي معين يعني مثلا هالمرض الخبيث(الله يكفينا شره يارب) يكون بس في الثدي اليسار ولامب شرط اي ثدي او الثديين؟ (((يمكن سؤالي يضحك بس ترى حبيت اتاكد))).

لا حبيبتي سؤالج ما يضحك.. المرض ربي يجيرنا ممكن يصيب اي ثدي.. بس بشكل عام من الحالات اللي اشوفها اشوفه يصيب اليسار اكثر.. يمكن صدفه بس ما فيه شي في الكتب الطبيه تثبت انه احتمال اصابه ثدي اكثر من الثاني ^___^

2-والسؤال الثاني هل يكون الانتفاخ بكامل الثدي ولاجهة معينة؟وهل الافزازات تكون متاخره يعني بمرحلة متاخره من المرض؟

في المرض الخبيث.. يكون كل الثدي طبيعي في بدايه المرض.. بس تحس المراه بكتله او كره في منطقه وحده من الصدر.. بس بعد ما يتطور الموض تصير تغييرات في الجلد اللي على الثدي.. مثل يتجعد و يحمر ويتقرح..

الافرازات من الحلمه تحصل بعد ما الورم يدخل في قنوات الحليب وهذا يصير تقريبا في بدايه الاصابه بالمرض ..

3-وليش الثدي يكون متصلب ومنتفخ بعض الشي ويؤلم بعض النساء قبل الدورة بيوم؟وهل له علاقة بالمرض؟

هذا حبيبتي طبيعي من تاثير الهرمونات..لانه في الدوره تصير تغييرات كبيره في الهرمونات مثل اللي تصير في الحمل.. لانه مثل مانعرف قبل الدوره الرحم يستعد لاستقبال البويضه ليتم الحمل فيتم افراز كل الهرمونات بكميات كبيره لتساعد بطانه الرحم انها تصير غليظه و تزيد تدفق الدم لها. وفي حاله عدم وجود تخصيب يتهدم جدار الرحم وتحصل الدوره .. فعشان جذيه يصير التورم والالم قبل الدوره ^____^

اتمنى اكون افدتج واي سؤال عندج بعد حياج الله اسئلي وان شالله اجاوب عليها كلها ^___^

السلام عليكم انشالله الله ما يجيب اي امراض لا حمييد ولا خبيث بس الواحد لازم ياحبيبتي يطمن على اي حااال وانا ما ادري ليش هنا احنا ما نسوي فحص دوري متل ما يسوون برة رووحي عند دكتورة ماريانا في مركز الامير هي متخصصة و واايد شاطرة ترى الاجابة الشفهيه ما تفيد لازم الفحص السريري والله يطمنك وعسى ما شر ..طمنينا عليكي