هل يتغير القدر بالدعاء؟

السلام عليكم ورحمة الله وبركاته

قال رسول الله صلى الله عليه وسلم: " لا يرد القضاء إلا الدعاء". [رواه الترمذي وصححه السيوطي وحسنه الألباني].

وروي عن ابن عمر يرفعه:" إن الدعاء ينفع مما نزل ومما لم ينزل فعليكم عباد الله بالدعاء" . [ رواه الحاكم وصححه السيوطي وحسنه الألباني].

سيدات اليوم حبيت أطرحلكم هالموضووع وحبيت اتناقشوني فيه عشان نفيد بعضنا يعني مثلا لودعيت انه خاطري الله يحققلي هالشي هل بيتحقق مع الدعاء أو لا؟؟ لاني الحمدلله واثقه بقدرة ربي ولين الحين ادعي والحمدلله الله استجاب دعواتي.

مثال: لوخاطري في شخص ودعيت ربي يكون من نصيبي هل بيكون من نصيبي ولا خلاص كل شي مكتوب من أول مانولدت؟؟
ياليت كل وحده فيكم تكتبلنا تجاربهاا مع الحياة..

امكن صح ما تأخذين الشخص الي تبينه بس الله يعطييج أحسن عنه مية ألف مره
لأن الله ما يبي لج الشر يبيلج الخير و حطي هالشي دوم ف بالج
و أمكن الله عارف ان حياتج مع الشخص الي تدعين انه يكون لج ما بتكون حلوه و سعيده
و يعطيج شخص حياتج تكون حلوه و سعيده و فرحه إلى ماله نهايه معاه ..

مره سمعت الشيخ وسيم يوسف او العريفي ما اذكر والله بس ف التلفزيون قالوا انه ما يغير القدر الا العين ( الحسد ) .. بس مادري احساسي ليش يقول يوم قريت السؤال ف موضوعج انه القدر مكتوب مكتوب ما يتغير ولكن الدعاء وسيله للتقرب من الله وانه ينكتب لي الخير فيه واني اتوكل ع الله في كل صغيره وكبيره ف حياتي .. هههه احساسي جي يقول بس ما عندي تجربه ل هالشي لانه كل موقف يمر ف حياتي سواء دعيت انه يستوي او لا .. جي لا شعوريا اعرف انه هالشي مكتوب لي

الغاليه اذا دعيتي ربج الافضل ان تقولين اذا كان خييراً لي

واذا ماكان من نصيبج اتاكدي ان الله بيرزقج واحد احسسسن عنه بمليوووووووووون مرررة

وربي يرزقج الزوج الصالح مخموم القلب التقي النقي اللي يحبج ويخاف عليج

سبحان الله وبحمده

القضاءوالقدر امرمحتوم ومكتوب في اللوح المحفوظ قبل ماينولد الانسان

والدعاء لو مااستجاب له الله سبحانه وتعالى فانه ينفعه يوم الحساب والله اعلم
وربنا سبحانه اعلم واحكم بمايناسبنا
( عسى أن تكرهوا شيئاوهو خير لكم)
والله وحده اعلم

الله هووووو العاااالم