هل يحصل حمل مع المنع الطبيعي ؟ شاكه ساعدوني

السلام عليكم
خواتي انا أمنع طبيعي بالقذف الخارجي
و دايما ما يكون من قريب نهائيا
لكن آخر مره بالغلط صار الشي من قريب بس برع
و كان أول يوم بعد نهاية الدورة ..
ومن بعدها بديت أحس بأعراض مثل حملي الأول
أهم شي الكسل والخمول والإرهاق و كله منسدحه ومابغي اتحرك و مستويه عصبية علي أبسط شي !
مع أنه ما وصل موعد الدورة اليايه لكن بديت أخاف اني حملت ..
ساعدوني وطمنوني هل ممكن يحصل حمل في هالحالة ؟
و تحليل الدم ممكن يقطع الشك باليقين ؟
طبعا انا حطيت الموضوع هنيه لأن كل المتزوجات في هالقسم و قلت أن شاء الله بيساعدوني

المنع الطبيعي مب معناته خلاص ماشي حمل
لأن عادي نتتتتتتتفه يقذفها فيج وتحملين حبيبتي وأسألي اي دكتوره بتقولج جي
الافضل انج تسوين فحص دم لأنه بيطلع اذا انتي حامل صدق ولالاء
والحمل نعمه ورزق من رب العالمين

ممكن يستوي حمل بلمنع الطبيعي نفس ماقالت الاخت الي قبلي

تحياتي لج

انا حملي الحين مع الممانعه الطبيعية صار واﻻعراض بدت فيني من قبل موعد الدوره باسبوع وحام وترجيع وعصبيه سبحان الله وسويت تحليل دم وفاجاتني الدكتوره اني حامل والحمدالله على كل حال

سوي تحليل الحمل مرات يصير معا الحبوب واللولو

صارت لوحدة من الخوات لدرجة انه تمنع طبيعي ومتأكدة خلال طول الشهر ما انجب شي داخل لكن ارادة رب العالمين فوق كل شي وحملت ..البعض يقول احيانا ماي الريال مال المداعية يحتوي على بعض من الحيوانات المنوية اللي تساعد ع الحمل ..

عادي يصير اختي حملت وربيعتي نفس الشي بالمنع الطبيعي.. انتي لا توسوسين دام قلتي انه اول يوم بعد ما غسلتي لأنه ف هذي الأيام تكون مناعة طبيعيه.. بسالج دورتج كم مدتها؟