شحالكن خواتي
انا حبيت اطرحه مشكلتي عليكن
وابا منكن النصيحه
انا متزوجة من سنتين وعندي بنت .. والمشكلة عمتي وبناتها اللي هي ام ريلي
ريلي صار يسمع كلامها فيني ويصدقها صار حتى يحبسني في البيت وحالف اني ماسير مكان غير بيت اهلي وبس حتى بيت اهله ماخلاني اسير من عقب ما اخته قالت عني شي وانا عصبت وكلمتها وشوي عصبت عليهم .. بس عمتي ماحترمتني قامت تعق كلام قوي ويوم سكتها طلعت ورحت من بيتهم .. والمشكلة ريلي كان مسافر ويوم خبرته اتصل وامه فهمت الموضوع بطريقتها يوم كلمني قتله امك ماقالت الموضوع صح بس هو عصب وقالي لو سمعت كلمة بفرج في بيت اهلج ..
انا مافكرة في الطلاق لأني ما ابا اخسر بنتي واعيشها بين أم وأبو منفصلين ..
ألحين بنت خالي اللي ما خذها اخو ريلي ماتزورني قالت اعرف انه ريلج مايباني ازورج ويتحسبني انا مغيرتنج عليه
مع اني كل ما ابا اتفاهم وياه مايرضى ..
تعبت من مشاكل امه وهمها.. ودايما تقولي حرمة ولدها اللي من الشارجة احسن مني والله حتى بنتي يوم اتيهم يقولون للخدامه شليها مع انه عمرها 11 شهر
نصحوني شو اسوي كيف اقدر اكسب هالعمه
تعبت من كثر ما اصيح والله قمت ما اقول لأمي مع انها تقولي احلمج وايد تعبانه شكلج مهمومه
وسمحلي ع الاطاله
اختكن
وإذا كنتي تسكنين وياهم حتى لو من سافر ريلج سيري بيت اهلج ليش يالسه وياهم
الزبده سيريلهم يوم يكون ريلج موجود عشان كل شي يستوي جدامه
حاولي تكسبينهم بالهدايه تهاداو تحابوا
خلي علاقتج فيهم عاديه ولا تحتكين فيهم وايد لين ما تتصافا النفوس
ها اللي عندي وخواتي ان شاء الله بفيدونج اكثر عني
المشاركة الأصلية كتبت بواسطة أم النونو 
وإذا كنتي تسكنين وياهم حتى لو من سافر ريلج سيري بيت اهلج ليش يالسه وياهم
الزبده سيريلهم يوم يكون ريلج موجود عشان كل شي يستوي جدامه
حاولي تكسبينهم بالهدايه تهاداو تحابوا
خلي علاقتج فيهم عاديه ولا تحتكين فيهم وايد لين ما تتصافا النفوس
ها اللي عندي وخواتي ان شاء الله بفيدونج اكثر عني
صدج كلامه ام النونو ما ادري هالناس وين تبى توصل بالحقد والكره ما يفكرون ان ربنا بيحاسبنا على كل شئ
حاولي تتجنبيبن الاحتكاك وياهم قد ما تقدرين.. وخيل شغلج الشاغل زوجج
ومثل ما قالت اختنا… يوم ريلج يبات برا لابيت.. سواء لسفر او شغل.. انتي ردي بيت اهلج..
ولما يكون موجود حاولي ما تطلعين من غرفتج.. اذا بيقعد تحت مع اهله روحي معاه..اذا بيطلع مع ربعه .. قبل ما يطلع تأكدي انج تستأذنين منه عشان تروحين لمشوار … يعني لا تعطين لنفسج مجال تكونين فيه قاعده معاهم
وبهالطريقة ماراح يلقون فرصة يتحركشون فيج الا جدام ريلج… ووقتها راح يعرف منو سبب المشاكل كلها
انا قبل كنت ساكنه بيت عمي وريلي يوم يروح الدوام اتم بيت عمي .. بس شفت عمري مقصه عندكم وخاصه يوم يكون ريلي فالدوام .. يعاملوني ما ادري كيف .. ففهمت ريلي انه كل ما يروح الدوام انا بسير بيت اهلي …
وقمت اسمع كلام يوصلني من طرف امه على السان زوجي .. بس كنت اطنش .. صح الكلام يحز فالخاطر وكنت اصيح بسبته بس ادري لو تكلمت راح تزيد المشاكل
الحينه انا مرتاحه .. ريلي موجود انا اكون موجوده هناك ..