بسالكم سؤال وياريت تردون على بمنتهي الصدق ..
ما تلاحظون ظاهرة ان الهنديات والمغربيات والشاميات والمصريات وغيرهم .. يلبسون العباة بالامارات ..
والمشكلة انهم يلبسونها بمناسبة وبدون مناسبة ..
مع الاعتذار للخوات الهنديات والمصريات والشاميات والمغربيات .. لكن بالسعودية .. انا اشوف تحلطمكم .. ونزفزتكم وطول الوقت تسبون بالعباية وكيف انها لبس مقرف وحق الناس الشلق ..
وطول الوقت تخسسون بالعباية .. لانكم مجبرين عليها .. وتتعمدون انكم تشيلون الطرحة وتطلعون شعوركم بالميش الذهبي وصار الموضوع فتنة للرجال ..
بينما بالامارت محد يجبر اي احد يلبس عباية ومع ذلك .. شغالين لبس عبايات والمشكلة ما تقولين نواحي اقتصادية (( عباية سوداء سادة وطرحة سادة )) الا لابسين عبايات مطرزة وفخمة واخر دلع ..
شو السالفة .. الموضوع من وجهه نظري انهم لاحظو ان الرجال بالامارت ينجذبون للمرأة اللي لابسه عباية .. فصارو يتفننون بلبسها علشان يطيحون .. ويتزوجون .. وخلافة ..
بس اعتقد ان الشي هذا يضايق ..
وماالوم خواتي الامارتيات لو تضايقتو .. لانه شي يبط الكبد ..
انا مالي منبطة كبدي وانا مالي شغل بالموضوع ..
بروحج قلتي اوقات يطلعن شعورهن وما عرف شو صح هالشي غلط لكن يامكثر المواطنات الي يسون العن عن جي ويبلسون فساتين مب عبي
فلا تلومين الي مب مجبورين على لبسها بالعكس خل كل حد يلبسها مب مهم
المهم منو يحترم لبسها .. واهم شي نحن بنات البلاد نحترم لبسها
لا خاصه فينا ولا في غيرنا
هذا اللي ناقصص انحدد ونختار من يلبس العباه ويتغطى ابها ونمنع اللي ما نبـأه !!!
بالنسبه للوافدات هاذيل من زمان عايشين بالامارات فوق ال20 سنه فا بتلقين خلاص تعودوا علينا
ويحبون يسون نفسنا
وبالنسبه للعبايه ستر لكل حد سواء كانت مواطنه ولا غيره ولا حتى الهنديه
العبايه مب بس مكتوب بأسمنا
وبالنسبه لكلامج عن السعوديه مالي حق اتكلم فيها لأنه انا مب عايشه فيها
وشكرا لج
وثانيا … هو الفكرة علشان فيه فلوس بالديرة بيكوشون على رجالها ..
وثانيا المواطن لو بغا اي عربية بيروح يجيبها من بلدها .. مافي داعي تلبس عباه وترز نفسها فيها بالمولات ..
وثانيا انا لا اقبل ناس يقولون على العباه تخلف وبدو .. ويروحون يلبسونها .. ارفض هالشي ..
ههه يوم قريت موضوعج.. قلت متفصخات مب راضين قلتوا متفصخات.. لابسات عبي .. قلتوا ليش لابسات عبي مثلنا؟
خخخخخ شو تبون يعني …
لا صدق صدق أختي والله الستر وايد زين والعباه شي زين.. تبين عيل الفلبينيه مطلعه كرعانها ونص صدرها ؟ حتى لو لابسه عباه مزركشه.. اهم شي ما تكون متفصخه .. الله ياخذهن الفلبينيات المفصخات زادن عندنا في البلاد..
يا بنت الحلال خل يتسترن .. والريال تراه لو يبا يعرس ولا يغازل ولا يسود ويهه ما يهمه لا عباه ولا شورت ولا مايوه ..إللي في راسه بيسويه ..بالعكس بدون العباه بيكون إغراء أكثر للشباب ..