هومي كيك بالتوفي

السلام عليكم جميعا
الكيك:
استخدمت نفس مقادير الكيكة الأساسية,,اللي ممكن تسوين منها اصناف اخرى بنكهات حسب ذوقج..
استخدمت اكواب وملاعق معيارية
المقادير:
كوب زيت
كوب سكر
4بيض
2كوب طحين
ربع ملعقة صغيرة ملح
2وربع ملعقة صغيرة بيكنج بودر
نص ملعقة فانيلا…انا حطيت ملعقة كبيرة هيل مطحون,,بأخر خطوة ونسيت اصوره..
كوب حليب سايل

مقادير التوفي:
نص كوب سكر
علبة قشطة
ملعقة كبيرة زبدة
ملعقة هيل

فستق مجروش للزينة

الطريقة:

نخفق الزيت والسكر,,,وبيضة ورا بيضة بالتدريج,,حتى نحصل على مزيج سايل رغوي

ننخل المواد الجافة((طحين وملح وبيكنج بودر ))ونضيفه بالتبادل مع الحليب ثم نحط الهيل ونكمل خفق ونسكبه بالقالب..مدهون بالزيت وبالفرن الحااار عالرف العلوي,,من تحت فقط,,,,,حتى ينضج..ثم من فوق حتى يحمر الوجه

نتركه يبرد تقريبا..ثلث ساعة,,عقب نطلعه من القالب ونقص الحواف,,ونتركه على جنب

نبدأ نسوي التوفي:

نحمر السكر حتى يشقر مايل للبني بدون مانحرقه ويذوب تماما
ثم نرفعه من النار ونضيف القشطة ونحركه عالسريع
طبعا راح يتكتل
نحطه مرة ثانية عالنار حتى يذوب مع قطعة الزبدة
واخر شي نضيف ملعقة هيل ثم يترك ليبرد 5دقايق
وعقب ندهن به وجه الكيك
ونزينه بالفستق

ما شاء الله

دوووومج مبدعه ماشاءالله تبارك الرحمن …

تسلم ايديج يالغاليه .

روووووووووعه تسلم ايدينج حبوبه ..

شكله لذذيييييييذ
عليكم بالعافية يآرب .. و تسلم الأيادي ^^