وأخيراً كيكة المطار وصلت ^_^

هلا حبايبي شحالكم شخباركم عساكم مرتاحين

اليوم حبيت أنزل لكم طريقة كيكة المطار خليجية بسبب كثرة الاستفسارات اللي توصلني على الخاص
واللي تبا الطريقة وطبعا انا شغاله اكتب وارسل واخر شي الاخت كلي شمووخ طلبتها مني وانا تأخر عليها لظروف خارجه عن الاراده،، وفاضطريت اني اسويها وارسلها لها،،،

ولهذا السبب نزلت لكم الطريقه لان لين اليوم توصلني رسايل على الخاص،، وطبعاً الطريقه مب مرتبه لان عالسريع وطبعاً الطريقه بسيطه وااايد مب نفس طريقة المطار بالضبط وهذي الطريقة يايبتنها عند وحده تشتغل بالمطار بس مبسطه،، كأني وايد هذربت خليجية خخخخخ

يالله بدينا … بسم الله

المقادير:

كيك اسفنجي جاهز او كيك امريكانا بالفانيلا "حسب الرغبه"
كوب ونص كريمة مكتوب او شاني والكريما بعد على حسب رغبتج واحلى شي كريمة مكتوب
علب فواكه مشكلة بعد على حسب رغبتج
كيوي او اناناس او خوخ او فراوله اوي شي من الفواكه للتزين وهذا راجع لج

الطريقة:

1. نخفق الكريما لمدة 10 دقايق او حتى يتضاعف حجمها ونتركها على جنب

بعد الانتهاء من الخفق

2. نقطع الكيك الى 3 شرائح متساوية ونزيل الطبقة البنية الخفيفة اللي موجودة فوق الكيك
ونترك الطبقة البنية اللي تحت،،

الطبقه اللي نزيلها

بعد الانتهاء من تقطيع الكيك

3. ناخذ شوي من الكريما وندهن الصينية كلها وحتى الجوانب،،، سوري ما صورت هالمرحله

4. ناخذ الطبقه البنية ونضعها بالكيكة بحيث الطبقة البنية تكون تحت،، اقصد اللي اللي ما شليناها ونصفها في الصينية

هذي الطبقه

بلييييز محد يرد
تابــع ^_^[/COLOR]

5. بعد ما انتهينا من صف الطبقة الاولى اسقينها من عصر الفواكه طبعا العصير مب كله تصبينه

6. توزعين الكريما فوق طبقة الكيك وثم تحطين الفواكه المشكله فوق الكريما

7. تحطين الطبقة الثانية من الكيك وتكرري الخطوات وعاد بكيفج كم طبقة تبين،، واذا حابه الكيكة دائرية سويها بصينية التشيز كيك،، واخر طبقة من الكيكة بس شربيها من العصير لاتحطين فواكه مشكله وبعد كثفي من الكريما ورتبيها وزينيها على حسب ذوقج..