أنا دايما أقرأ في هالقسم استفسار الأمهات عن عملية شل اللوزتين
ويكونون في قمة القلق
فعشان جذيه سويت لكم هالتقرير الخفيف
عن تجربة شخصية
اللي أتمنى يكون خفيف على قلوبكم وخاصة الأمهات القلقات
أولا عملية استئصال اللوزتين استوت من العمليات البسيطة
سواء كانت التقليدية أو اللي بالليزر.
احنا اخترنا نسويها بالطريقة التقليدية في مستشفى دبي
عند الاستشاري علي لوتاه (مواطن) والفريق ماله
لأنه صاحب خبرة طويلة في هالنوع من العمليات
وعلى فكرة حتى الدكتور حسين عبدالررحمن (مواطن)
والفريق ماله بعد ممتازين وهم في نفس المستشفى !
كانت العملية سلسه ..
ومعاملة الممرضات أكثر من ممتازة :
من حيث الابتسامة الدائمة
والاطمئنان على راحة الطفلة
واستخدام الأسلوب الحديث في التعامل معها
(مثل مناداتها بإسم الدلع طول فترة وجودها في المستشفى عشان يحسسونا بالأمان )
وسؤالها عن نكهة الآيسكريم اللي تحبه حق بعد العملية ..
والإقامة كانت وايد مريحة ..
والأهم من هذا وذاك … كانت النتيجة مرضية جدا جدا
وطلعت الصغيرونه بعد يومين من العملية 
^
^
^
^
^
^
البنات يزورون بنت خالتهم
ويقدمون لها بطاقات للشفاء العاجل
هذي البطاقة الأولى
شوفوا شو مكتوب فيها 
"أنا أتخيل " = يعني قصدها أتمنى
والبطاقة الثانية
والهدية …
وبهذه المناسبة التقطنا صورة عائلية للذكرى
وبعدين كشرت الصغيرونه عن أنيابها كناية عن قوتها وصلابتها
وبعدين الصغيرونه راوت البنات بلاعيمها في الغرشه بكل فخر خخخخ
فأبدوا امتعاضهم منها خخخخ
والبنات عيبتهم سالفة التصوير ..
قامت اللي تصور شنطتها ..
واللي تصور لعبتها
وفجأة دقهن اليوع ..
قامت اللي تاكل فراولة
واللي تاكل كب كيك (بالعافية عليكم حبايبي )
وفي خضم الأحداث طاح ضرس بنتي بدون سابق إنذار
فحبت تسوي TRICK وتخفي "الدريشه" بلبانه خخخخ
ومثل كل الصغارية .. الصغيرونه نست عمرها ويلست على الأرض ويا اليهال
ولعبوا باللعبة اليديدة ..
وبعد شوية وصل أخو الصغيرونه عشان يزورها ..
ومن المفارقة العجيبة في الموضوع ، ان أخوها هذا سوى نفس العملية قبل 15 سنة
عند نفس الدكتور وفي نفس المستشفى بعد في نفس سن أخته
وياب لها كيكة آيسكريم من باسكن روبنز عشان من ثاني يوم لازم الصغيرونه تاكل آيسكريم
وقد قامت بقطع الكيكة بكل حماس خخخخ
والحين بأراويكم صورة اللوزتين بعد استئصالهم
اللي جبدها تلوع توقف هنيه وتنهي التقرير
واللي من صاحبات القلوب القوية تكمل
^
^
^
^
^
^
^
^
^
^
^
الصغيرونه تنتصر على اللوزتين وعلى فمها ابتسامة النصر :
D
وصورة مقربة "جدا" للوزتين (شوفوا شكبرهم !!!)
وسامحوني على لوعة الجبد !!
أتمنى يكون تقريري عيبكم
والحين يا ريت كل وحدة عيالها سووا العملية
تقول تجربتها عشان تطمن الأمهات الراغبات باستئصال لوز عيالهم لكنهم خايفات !
وخاصة ان عطلة الربيع على الأبواب .
واللي ما عندها فكرة عن العملية يا ريت ترفع الموضوع عشان الكل يستفيد .
ههههههههههههههههههههه قعدت اتأمل اللوزتين…
انا بعد سويت العمليه من كم سنه..واحيد كنت اصرررخ مابا اميه مادري ابويه خخخخخخخ..
وبعدين يابولي ايس كريييم جان اقولهم مابا مابا تبوني بعد امرض خخخخخخخخخ..
والحمدالله على سلامتها مره ثانيه وتسلميين عالتقريير الناااايس..^^
انا بعد شايله اللوز بس تدرون متى ؟!! …… قبل حوالي 14سنه يعني كان عمري 9 سنين ^^
بس الحمدالله العملية كانت بسيطه وبعد العمليه قمت أكل أيس كريم وبعد 10 أيام رديت للمدرسه وكنت ارمس شوي شوي وللضروره لأنه الألم بعد كان موجود…. بس يمكن تغير الوضع الحين لأنه العمليات قامت تطور يوم عن يوم