والله احس عمري وااايد ضايجه . الحمدلله على كل شي

والله ياخواتي خاطريه اكون حامل , انا بكمل السنتين من عرست والله لين الحين ما كتبلي الحمال عندي مشكله بسيطه فهرمون الحليب والبويضات بس الحمدلله تعالجت والحمدلله كل شي اوكيه

وكنت حاطه امل كبير هالشهر الدكتوره طمنتني وطبعا كل شي باييد رب العالمين وقالت انه عندج فرصه كبيره هالشهروموعد الدوره اليوم ( الدوره منتظمه عندي ) … بس زعلت لانه نزلت عندي الافرازات البنيه الي فالعاده تنزل قبل الدوره

وانا مومنه بالي كاتبه رب العالمين بس غصبن عني ضربتني ضيجه ويلست اصيح واقول بخاطريه ليش ربي مارزقني ……..

بنات طلبتكن كل وحده تدخل على موضوعي تدعيلي ان الله يرزقني الذريه الصالحه عاجلا غير اجل

" اللهم لاتذرني فردا وانت غير الوارثين "

بس حطي في بالج اذا بتمين تحاتين وتفكرين عمرج ما بتحملين ..

وكلي أمرج لله و شيلي فكره الحمل من بالج و صدقيني بتحملين ..

عسى الله يرزقج ان شاء الله جريب و يفرح قلبج ..

ولا تزعلين كل شي له حكمه من رب العالمين ..

بإذن الله الشهر الياي تبشرينا بحملج ..

وهو وحده قادر ع كلشي

اتقربي من ربج اكثر
بالدعاء وسورة البقره وبترتاحين

وحدري موضوع سبــاق الانجاب نفسيتج بتتحين شووي لنه كلنا ع قلب واحد ونعاني نفس الشي شراتج

والله يرزقنا كلنا عاجلا غير أجل يارب

وأن شاء الله قريب تبشرينا بحملج