والله العظيم متضااايقه صدري ضايق :(

تذكرون يابنات يوم قلت لكم عن موعدي في مستشفى الكورنيش ؟؟

وخصوصا هاي حملي الثالث بعد الاجهاضيين القبليين

نزل مني دم بعد في حملي الثالث والله ضاااقت فيني الدنيااا

كل مايعطووني موعد حق نبضاات الجنين

وقبل موعدي ينزل مني دم والله العظيم اصيح صيااح مقهووره

نفسي اسمع صوت نبضات الجينين والله عمري ماسمعته

ومادري متى بيي اليوم اللي باسمع فيه

اللي يقولي فيج عين واللي يقولي امسووين لج عمل

اتخيلوا كل مايعطووني موعد حق نبضات الجنين يصيبني نززيف وآآالام طلق وخرابيط

ويطيح الجنين قبل موعدي

ماعرف اشفيني الحين هاي حملي الثالث ونزل مني دم والمصيبه ان يقولون لي مافي جنين اصلا

بس كيس فااااضي (( اول مــــــــره ))

والله متضاايقه ماعرف شاسوووي والله اني كل يوم اصيح

وانا الحين في قطر لان في الامارات ماحس حد يعرفلي

اللي يقوولي ضعف في المبياض واللي اتقوولي الجنين فيه خطأ

واللي اتقوولي عندج اجسام مضاده في الدم ، واللي يقولي جرثومه في المهبل

والله تعبت تعبت كل دكتوره اتقولي شي والله باصير مينونه مااعرف اشفيني بالضبط

ماعرف اصدق مين ولا مين ؟؟؟

ماعرف شنو علاجي والله تعبت نفسيا وااااااايد تعبانه ومتضاايقه

انا الحين في قطر قلت يمكن يعرفون لي

اليوم رحت قالت لي الدكتوره رحمج سليم مافيه شي

وقالت لي وقفي عن كل المثبتات اللي تاخذينها وخليه على راحته يطيح

لاتتعمدين واتطيحينه اتقولي سبحان الله يمكن عندج حمل متأخر

يعني الجنين 8 اسابيع او 9 اسابيع يتكووون داخل الكيس

انا هالشي اسمع عنه نفس صديقه امي كيس خالي بدوون جنين وعقب 9 اسابيع توه يتكون الجنين

قالت لي خليه طبيعي واذا ماتكون الجنين خلال 10 ايام

راح انسويلج غسيل

انا الحين ماعرف ليش كل هاي يصيرلي ؟؟؟؟

شسالفه ؟؟؟؟؟

والله عمري ماسمعت نبضان جنين

وتعبت من الاجهاااض والله تعبت

من كثر ماانا متضايقه والله حلمانه اني نايمه واحذاي سرير ولدي نايم

واتلاقوني في الحلم طاااايره من الفرررحه

بس لما اقووم من النووم اقعد اصييييييييييح