والله بيطوووفكم الطعم . أحلى لقيمات كلتها فحيــــــــاتي وبالكيري بعد _ صور_

ومن متى مصورتنها.. بس ما حطيتها.. صدج هيازة صح؟؟^.*

المهم.. احم احم..

ما بقووووووووووولكم عن الطعم لأنها صدج شرات ما كتبت في العنوان..

والله إنها احلى لقيمات كلتها في حيااااااااااااااااتي بس هالمرة من إيد الوالدة خخخخخخخخ

وصدج صدج طعمها يجنن.. وما تشبعين منها..!!

وأحلى شي يوم يكون حجمها صغير مب وايد عود ( اللقيماتة أقصد هههههههههههههههههه)..

نبدأ في المقادير شو رايكم؟؟<<< الحمدلله ع السلامة^________^..

انزين..

أول شي طبعن تغسلون إيدكم قبل الطبخ.. خخخخخخخخخخخخخخخخخ

لا لا أستعبط والله..

يلا نبدأ..

نحتاج إلى:

3 كوب طحين.. / مبدئياً/<< بتعرفون ليج كتبت مبدئياً كملو..

3 ملاعق كبيرة سكر..

6 ملاعق كبيرة حليب بودرة..

ملعقة ونصف كبيرة خميرة..

( تخلط كل المقادير السابقة مع بعظ )

After That

صبي كوب ماي دافي واعجني..

وتمي اعجني.. وعقب صبي نص كوب زيت وتمي اعجني..!!

لين ما تشوفين العجينة استوت لينة وطرية وياج..

لازم تكون طرية ولينة .. شرط يعني..!!

المهم وعقب لو حسيتيها لينة وايد زيدي طحين..

ولو حسيتيها يابسة وايد زيدي ماي ..

بس مب وايد وايد..

وإعجني لمدة ما تقل عن عشر دقايق..

لأنه كل ما زادت فترة العجن زادت العجينه طراوة وحلاوة وكوووووول حاجة خخخخخخخخخخخ

بعد ذلك تترك لمدة ساعة لتتخمر..

تلف وتوضع في مكان دافي..

المهم وعقب تبدين تكورينها ..

طريقة التكوير كيف؟؟

اول شي اتحطين طحين في إيدج عسب ما تتلتصق العجينة فيها..

وعقب تقطعين كور صغيرة وتبدين تكورينها وتحشينها بالكيري..

وتحطين الكور في صينية مرشوشة بطحين..

نصيحة.. خلي حد يساعدج وانتي تكورين عسب ما تنتفخ الكور اللي سويتيها وتتخمر..

المهم وعقب تقلينها في الزيت وع طول اتحطينهم في القطر وهم ساخنات..

والقطر يفظل ايكون مش ساخن..

وبس .. آخر شي تزينينه بزعفران أو فستق ترشينه على الوجه..

وهذا شكلها النهائي.. بتصوير موبايلي المعفن خخخخخخخخخخخخ

وهاي بعد خلية نحل سويناها بنفس العجينه..!!

وتم بحمد الله..

بس والله إنهااااااااا تخبل.. واللي بتجربها اتحداها كل اسبووع والثاني بتسويها^^

وأصلن تنفع للعزايم وجي.. لأنه طعمها حلو..

وما تاخذ وقت في العجن بس تاخذ اشويه في التكوير..

وثالثاً شكلها فخم لو انصفت في صينية وقدمت للظيوف..

وآخر شي بالهناء والشفاء.. واتريو القادم..

أتريااااا تعليقاتكم وتطبيقاتكم وتشجيعكم..

وهيه صح قبل لا أنسى..

إسألو.. أي سؤال أنا حاظرة..!!