والله تعبت وابي مساعدتكم يابنات

السلام عليكم ورحمة الله وبركاته
انا صارلي فتره اتابع هالمنتدى ..ماشاء الله متميز ..
وحابه اقول لكم مشكلتي وياريت تلقون لي حل..
صرت دايما افكر وابكي ومانام الليل .. هذا يمكن لاني فتاه ضعيفه .. لا حول لها ولا قوة

انا اتعرض للضرب من اخي الاكبر .. ولاسباب تافهه .. لما يسمع ولده يبكي يجي يضربني انا ويركلني في جسمي بكل قوته .. للعلم هو مريض ومن سنوات تعرض لحادث والمخ تاثر عنده..
تخيلوا يابنلت انه يمد يده على امي بعد
وانا احيانا اهتم باولاده لان زوجته والده وجالتها تعبانه فالمستشفى وهالاطفال حرام مالهم حد غيري وهو يجازيني بالضرب .. حاولت اكثر من مره اشتكي عليه للشرطة بس خايفه من الفضيحه وكلام الناس.. وش اسوي يابنات والله نفسيتي ضايقه وكله افكر ومالقى حل.. ودموعي ماتوقف..
ياارب رحمتك

لازم تشتكين لحد كبير فالعايلة , ابوج ولا اخوج , خالج, عمج , ولا للشرطة , ممكن لا سمح الله ايصير لك شي من الضرب
ما ايصير تسكتين , يضرب امه ؟؟
الله يعينكم و يصبركم

الله يوفقج

الله يعينج حبوبة بس لازم توقفينه عن حده هذا يزاج انج اديرين بالج ع عياله صج قهر كلمي عمج او خالج بموضوع لا تسكتين خليج قوية عسب ما يضربج مرة ثانيه ..

إذا إنتي من بوظبي أو حتى لو من إمارة ثانية ، إتصلي على مركز الدعم الاجتماعي في مدينة خليفة أ ورقمهم المجاني: 8005354 وهم بيساعدونج بدون فضايح وبدون ما يحس أخوج، لا تترددين، خليج قوية …. الله يساعدج ويكون معاج إن شاء الله.

الله يعينج أختي , خبري حد كبير من العيلة , لا تسكتي وتستسلمي بس أنت قلتي أنه أخوج متعرض لحادث والمخ متأثر عنده , يعني مب طبيعي مسكين وما يقصد يجازيج بالإساءة, الله يشفيه ويعافيه , أخوج مريض بس أنت لازم تحمي نفسج وتحمي أمج بدون ما تضريه. علشان كذا خبري أهلج , أبوج , عمج أو خالج , ربي يأجرج خير على أهتمامج بأولاده وفي ميزان حسناتج, وربي يحفظج ويعينج أختي .

السلام عليكم ورحمة الله وبركاته

أختي مع احترامي الشديد، ولكن أخوك خطر على المجتمع بأكمله دامه حتى يمد إيده على أمه !!!!!!!!!!!!!!
ابقي مع الأطفال لا تتركيييييييييييهم حرااااااااااااااااااااام .. ولكن خبري عليه أحد كبير من العائلة أو من الشرطة.

بالتوفيق

والسلام عليكم