ورق الزبدة وأكياس كريمة التزيين من وين؟!

السلام عليكم

خواتي حبيباتي لعوزني الايفون وذلني ذلللل لين ما كتبت لكم موضوعي فبلييييييييييز ردوا علي !

فديتكم بغيت اعرف من وين اشتري ورق الزبدة ؟!
لاني ابغي اسوي سينامون واحط هالورق تحته في صينية الفرن عسب لو السكر صار كراميل مايحترق لي بالصينية خخخ ماعليكم

ومن وين اشتري الاكياس البلاستيك الي تنحط فيها كريمة تزيين الكيك الي تستخدم مرة وحدة و تنفر؟!؟؟؟؟؟؟ انا شفت الكيس الابيض ويا القمع بس مابي هذا لان تنظيفه صعب !

يزاكم الله خير ردوا علي 

فووووووق

اختي ورق الزبدة بتلاقيه في الجمعيات مع الفويل والنايلون
اما اكياس الكريمة بتلاقيها بمحلات الادوات المنزليه نفس عبدالكريم واواني …

حبوبه بتحصلينهم بالجمعيات و الكارفور
ورق الزبده يسمونه ورق مشمع WAXPAPER
بالنسبة للاكياس تبع الكريمه تقدرين تستخدمين اكياس حفظ الطعام تقطعينها عند الحافه و تركبين الاقماع بأي شكل

من ايكيا

اسمحيلي اختي ورق الزبدة هو parchment paper ،من شركة فالكون مسميينه بالعربي ورق مشحم، لأن ال wax paper (ورق شمعي) لا يستخدم داخل الفرن له أضرار فحبيت أنبه لأن وايد يصير لخبطة بينهم

موفقه