ما أستغني عن مساعداتها… ههههههههه
ع كثر ما أمدح محشيه ما أسويه… ههههههههههه
وهذا المحشي أسويه خصيصاً عشان أغايظ عاشقة زوجي
ليش تسوي تنور وما تعزمني؟؟
بسوي محشي أغيظها فيه… طريقة المحشي خذته من عضوة في منتدى ثاني الله يجازيها خير مع تغيير بسيط…
وهالمحشي ياكلونه وهو بارد.. مب وحدة تسويه وتقول طعمه مب حلو.. ترييه يبرد.. وشوفي حلاته..
في البداية بحط لكم المقادير كتابة، وتحت بيكون كل شي بالصور.. عشان أسهل عليكم النقل..
أول شي.. المقادير..
كوب ونص عيش مصري..
طماطتين كبار.. بنقطعهم قطع صغيرة بعد ما نقشرهم
بصلتين كبار.. نفس الشي بنقطعهم قطع صغيرة.. شبه مفروم
4 قبضات بقدونس..
قبضة نعناع
نص كوب زيت زيتون
عصير 3 ليمونات
البهارات:
ملعقة صغيرة ملح
ملعقة صغيرة قرفة
ملعقة صغيرة فلفل أبيض
ملعقة صغيرة كمون
ملعقة صغيرة جدا هيل..
بعد ما تسوين الحشوة.. بتحسين إنه فيها سوائل.. عادي.. كلما تاخذين من الحشوة ضغطي شوي ع الخاشوقة عشان الماي يرد في الحشوة، لأنه هالسائل نباه عقب…
وأحينه المقادير والطريقة بالصور
أول شي بحط لكم صورة الكوب المستخدم.. الكوب اللي تشربون فيه النسكافيه أو الكابتشينو..
وورق العنب المستخدم.. العلالي..
المقادير
لاحظي إنه تقطيع الطماط والبصل والخضرة كأنه نبا نسوي تبولة.. كلهم قطعتهم بقطاعة البقدونس اليدوية.. أتمنى تكونون فاهمين علي… هو له قبضتين نمسكهم ونحرك فوق وتحت… ههههههه.. امحق شرح…
وهذي الحشوة… مب تبولة…
الصلصة
ناخذ ماي الحشوة ونصفيه ونصبه ع المحشي المصفف في القدر..
وأحينه اني على مقادير الصلصلة
5 فصوص ثوم
ملعقة نعناع جاف
ملعقة معجون طماط
مكعب ماجي
عصير 3 حبات ليمون
نص كوب زيت زيتون
ماء
أول شي نفرم الثوم ونخلطه مع النعناع.. أو مباشرة دقي الثوم وهرسيه مع النعناع
بعدين انيب ملعقة صلصة + مكعب ماجي + عصير الليمون + زيت الزيتون + الماء
ونخلطهم عدل ونصبه على المحشي بعد ما نكون حطينا ثقل عليه..
مقدار الماي يعتمد على حجم اليدر… حطي مقدار يغطي الورق..
وهني الصلصة بالصور
وهذي صورة نهائية للطبق
وعلى فكرة.. شوفن لون المحشي… كأنه مال المطاعم.. لا مسود ولا شيات… والسر في ماي الخلطة + إنه ما نفتح على الجدر طول فترة استواءه..
يعني لا تشلين الصحن طول من عليه..
شو بيصبرررررني احييينه هههههههههه
فدييتج فلوووووونة تسلللللم يمنااااااااااااج ع التعب اللي تعبتييه وانا ذقته قبل وبصراااااااحة والله شرااااااات الفنادق والمطاعم الفخمة
اصلااا من يقوووول ؟؟؟
أي شي فييه لمسة ايدين فلوونة حلوووووو
فدييتج يا ربي يا خيتوو الغالية لاخلا ولاااااا عدم
متى بيبرررررد >>>> ما تصبر حشى هههههه
يشكله يشهي
اباااااااااااا >.< … المشكلة سويته
مرة بس طلع بايخ خخخ
وبسبة بنت _ uae شليت اليدر وحطيته في الثلاجة عشان يبرد بسرعة
هههههههههههههههه
ما نقدر ع بطنها
طبعي كتومة.. جربيه.. أتحداج تغيرين الطريقة من عقبها ولا تتبعين طريقة حد ثاني
بس مثل ما قلت لج.. كلما برد كلما طلع طعمه أروع وأروع
طعمه شرات مال الفنادق والمطاعم.. ويتحداهم بعد في النظافة والطعم..
أشكركن خواتيه ع المرور