مساء الخير عزيزاتي
بدون مقدمات
انا وزني مش ثابت يعني مرات ينزل ومرات يصعد وعادي يكون النزول والصعود
في خلال يوم !!
.
حاليا انا وزني 53 او 52 المهم
وطولي 162
ادري بتقولون حلو وحافظي عليه والخ . .
لكن انا فيني هوس الضعف
يعني دوم اقول بوصل لحد معين وخلاص
بس للاسف !
كان وزني 64 ايام اول يعني تقريبا من 6 سنين
وبدا ينزل من المرض والعمليات اللي صار لي . .
وصرت 58
بعدين كنت اقول بس ابا اوصل 57
ويوم وصلت لل 57 صرت اقول بس 55 ويوم وصلت لل 55 قلت بس 53
وهكذا . .
شهر 4 كان وزني 51 وفرحت وايد صراحه . .
.
مشكلتي اني اعاني من البطن 
لكني اقدر اخفيه ومايبين انه عندي كرشه
بس المشكله ماعندي خصر
يعني جسمي ياي سيده تقول باب
صحيح عندي ثنيه الخصر , لكن فيه ناس يقولون خلاص جسمج بيتم جيه
واللي اعرفه ان الحرمه بعد 25 سنه صعب تنزل وزنها . . ها اللي سمعته
عشان جيه لازم الوحده يا تحافظ يا تضعف عمرها . . لان بعدين مع التقدم في السن
يصير استيعاب الجسم لموضوع ا لنحافه صعب . .
.
ابا حل سريع وجذري يخليني اتخلص من البطن
لا تقولون لي رياضه , انا يا الله يا الله امشي . .
ماحب الرياضه بالذات رياضه البطن ..
يعني بشو تنصحوني ؟
انا سمعت عن رجيم سوته بيونسيه المغنيه الاجنبيه السمرا
عشان تنزل 20 باوند ( اللي يقابله بالكيلوا غرام 10 كغ ) في عشر ايام
كوب عصير ليمون مع لترين ماي وملعقه عصير القيقب ( شو ها القيقب ماعرف )
وفلفل كايين !! اول مره اسمع عنه صراحه
وكانت تشربه ويخليها ما تشعر بالجوع ونزل وزنها عسب الفلم اللي تبا تسويه . .
ف شو رايكم ؟
علما ان ها الرجيم مش مناسب لكل الناس . . يعني خطير . .
والحلو فيه انه يخلص الجسم من السموم . .
انا فكرت اني باكل عادي لكن بشرب ها العصير . . يعني في نهايه اليوم تكونين خلصتي ها اللترين .
.
وفيه شي ثاني
ترا انا ماحب اكل الحلويات وايد يعني مش هويه السويت
بس احب اكل الموالح جبس وها السوالف
بس الحين صار لي فتره ما اكل . .
والعيش اساسا ما اكله الا في الاسبوع مرتين او مرات ثلاث مرات
واحب اشرب البيبسي ولا تقولون لي ودريه لان كله خرط انه يسوي كرشه ومادري شو
فيه ناس يشربون بيبسي بس ماطلعت لهم كرشه ولا صار فيهم شي . .
.
العذر اذا كان الكلام مش مرتب
لكن ابا الشور منكم . . والتجارب . .
كل الشكر والتقدير
وجربي الريجيم هذا
بس للبطن سوي تمرين احسن لج عشان بس تخفين هالمنطقه
لان من كلامج احس وزنج حلو الحمدلله
والعيش والببسي والكيك ما يمتن الا بكميات كبيررره
دايما كلي سلطات وجزر هالخضروات تخليج تحسين بالشبع وما تيوعين
ركزي عالسلطات والشوربه
فوري ( بطاطا /كوسا/ جزر) ويوم بتنضج خذي نص اللي طبختيه وحطيه فالخلاط وبيستوى مهروس
وردي حطيه علي الخضره اللي فورتيها قبل وضيفي فطر وشوربه الشعيريه من ماجي
وبقدونس شويه او شبت حسب ما تحبين
بتستوى شوربه لذيذه وتشبع مع السلطه
واشربي لبن اكتيفيا دايما
وملعقه من زيت بذور الكتان تلقينه فالجمعيات قسم الزيوت
وعقب ردي ضعفي عسب يطلع لج الخصر
صباح الورد
مشكوره يا قلبي على النصايح الرائعه
لكن انا لاني قبل كنت اعاني من سالفه الشوربه لان يوم سويت العمليه
كله كانوا يشربوني شوربه لين شهرين وكرهتها وايد يعني ترومين تقولين تعقدت
شرات ما تعقدت من اللحم لان الدختور قالي لو كلتي لحم بتمتنين
لان مافيه عندي مراره
.
المهم بسوي اللي قلتي عليه ان شاء الله , وانا احس ها الرجيم زوين ان شاء الله . .
.
شكرا مره ثانيه يا قلبي
امتن مستحيل بتعقد زياده
انا جسمي حلو بس الكرشه مخربه علي والحمد الله اني اقدر اخبيها
بس فكرتج بعد حلوه اني احط الشيله
ان شاء الله بسويها . .
.
كل الشكر لج غناتي
انا عندي كرووش صغنونه ههههههههههههه بس تبارك الرحمن مخصره
تدريين كيف ارقص دووم جداام منظره رقص شرقي لييين طلع لي خصر^^
جربي