نقلتلكم قصيده .. تمنياتي تعجبكم…
قبل أبتدي عندي طلب..ركِّز
طلب ماهو "رجاء !!ماأبي تجاوبني..
ولا تستغرب إني أسألك
لا تنصدم من عزلتي حالي مثل : أبو العلاء!
عندي سبب : ما تستحق إنِّي أجيك و أوصلك
لا تعتبر جمر الحكي من شاعرك يعني هجاء!!
لو كنت بهجي حضرتك ما خفت منِّك ..قلت لك !
هذي القصيده مصنِّفه في دفتري قصة "رثاء"
حبٍ يموت و تنولد .. وحبٍ يعيش و يقتلك !
ناديت لك ياما ..ولا لبِّيت لي , و ضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب..أرسم طموح وأمهلك ..
ما كنت لي الداءوأنا ما كنت لـ جروحك " دواء..
ما عشت في دنياي لك !!عـايش ولكـن عشت " لك " !
علمتك القلب الوفي…ما يخذلك فيه "إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة "إحتواء" !
وعلمتني إن الهوى ..ماعاش يوم بـ داخلك !
علمتك إنِّي لك بحر مدَّه وجزره لك وفاء !
وعلمتني كيف أنصدم و أغرق أنا في ..ساحلك !
ما تستحي ,,ودامك كذا ؟ إفعل حبيبي ما تشاء!!
توِّي عرفت إنِّي كثر ما أعْرِفِك ..كنت أجهلك !
ما كان قلبي بس لك و قلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !
لا صار قلبي لك وطن .. أبسألك وين الولاء ..؟
وشلون حال المملكة ؟؟؟ دام الخيانة من ملك !!
إن كنت جاهل ..! " لعبتك قلبي " وما فيها ذكاء
حتى الطفل إن جبت له لعبه ولاء صار لك !
قبل أنتهي عندي أمر ما هو طلب وإلا رجاء
لايشغلك ماضي انتهى ..ركِّز على " مستقبلك "
منقـــــول؛؛
تجنن روعه صرااحه وااايد واايد عيبتنيي
اصلاا عنواانهاا رووحه يسكت
نقلج لهاا مايدل الا ع ذووقج الرااقي الغاليه
تسلميييييييييييييين
صح لسان قايلها وتسلم يد ناقلها
تشكرآآآتي
عتاب و حساب في محكمة الوفاء ,
لم يعد للصوت المبحوح نداء , فقد اختار الإستسلام
وشلون حال المملكة ؟؟؟ دام الخيانة من ملك !!
سؤال تهديدي خطير , يبدو أن الجفاء ولد هذا التلميح الصريح , غير أنه يبقى في قلوب الأوفياء مجرد عتاب عسى يفيق المحبوب من خيانته , فلم تكن يوما أخطاء غيرنا مبررا لنقع فيها نحن أيضا .
مميز اختيارك أختي الغالية خجل الروح , بانتظار كل جديد منك إن شاء الله , دمت في حفظ الله و رعايته.