وش اسوي مع ولدي .؟ بغيتكم ضروري لو سمحتوا .

السلام عليكم ورحمه الله وبركاته
بغيت رايكم يا الامهات اللي عندهم عيال صف سادس …
انا عندي ولدي المتوسط صف سادس ….مشكلتي معاه وقت التدرييييسسس …..
ابد ما يجلس مكاااااااانه يفتر في كل البيت …!!
ولازم الحق وراه …ّّ
وعليه امتحانات اخر الكورس يعرف يكتب ويقرا بس زييرو بالانجليزي ……..
ما يعرف الا الحروف الابجدية بالانجليزي …… بس ما يعرف كيف يكون جملتين على بعضهم ..!!
وباخر العام بيسوون له كتابة موضوع اخاف ما ينجح بسبب الانجليزي …..!!
ايش اسوي معاه ؟ وش الحل ؟ تكفوووووووووون فيدوني بهذلني بتدريسه =.=

وسلامتكم

اذا على سالفة انه ما يلس وقت الدراسه .. حاولي وياه انه يوم يجاوب على شي او يخلص كميه انه تخلينه ياخذ لفه في البيت او يركض ويرجعلج ..
اما عن الانجليزي يباله تقويه وتبتدين ادرسينه من الحين .. جربي موضوع القراءه خليه يقرى كل يوم قصه ويشرحلج اياها بالعربي في قصص الاطفال الصغار.. القراءه افضل طريقة لتعلم اللغه وما تملل

وبالتوفيييق ان شاء الله

موفقة

الله يهديه ويصلحه ويسخره للخير
مادري اذا خليتيه يشوف برامج اطفال على التلفزيون بالانجليزي بيفيده والا لا وبعد افلام الاطفال بالانجليزي
لاتضغطين عليه بالدراسة عطيه بريك بين كل مادة ومادة
لاتكونين مدرسة ثانية في البيت،، شوفي كم ساعة مداوم في المدرسة الولد يبا يرتاح بعد
خليه بس يحل واجباته ويحفظ اللي عليه اذا عنده حفظ بدون ما تشرحين له درس درس
علميه يقرا قصة صغيرة يومياً قبل النوم اذا مارضى خليه يقرا للي اصغر منه في البيت
في نهاية الاسبوع انسي ان عنده شي اسمه دراسه طلعيه خليه يلعب ويستانس ويزور الاهل ويغير جو وحتى لو ماطلعتوا من البيت عطيه آيباد تكونين منزلة فيه ألعاب تعليمية ( الذكاء الذاكرة اللغة الرياضيات التركيب…)

بحاول معاه ان شاء الله …الله يجزاكم خير خواتي =)

ماعندي خلفية بس الله يوفقه وينجح ان اء الله بتفوق

موفقه حبوبه