وش النثور ؟؟

مرحبا صبايا

كيف الحال

بحكم اني من السعودية ماعندي معلومات عن النثور بس اعرف انه يوم يمشي الطفل

انا الصراحة الحين بنتي بتكمل سنة وهي بكري وخاطري اسويلها حفلة بس مابا عيد ميلاد عشان حرام
وخاطري اسوي لها حفلة يوم تمشي احس فرحتي فيها اكبر من عيد ميلادهاا

بس ماعرف بالضبط شو يسون فيه وهل له بروتكول معين يعني مثلا لازم يكون في البيت او يكون فيه اقارب او اطفال او شوو بالضبط ؟؟
انا افكر اسويها في اي مول ونفس عيد الميلاد حفلة عادية بس قوليلي شوو يميز النثوور

ومتى ينثرون ع الطفل وشو ينثرون بالضبط ؟؟

نثور توزيعات تتوزع مب لازم حفله والغاليه خلي عنج البدع هاي كلها بدع

سويلها حفلة صغيرة ولا تتحددين نوع واسم الحفلة خليها فرحة وشكر وحمد لله علي النعمه ويا ريت اتوزعين علي الفقراآ اشياء خفيفه وهدايا لو عندج امكانية الصدقة ترفع البلاء وربي يحفظها لج واتشوفينها في اعلي المراتب دووووم

ليش الحين يوم بسوي حفلة عشان بنتي بتمشي حرام ؟؟؟ انا اعرف العيد ميلاد حرام بس يوم تمشي عادي
لانه مافي يوم مححدد
وانا خاطري الاطفال يفرحون لان بنتي بعدها صغيره ماكملت سنة يعني ماتفهم

ههه عادي حبيبتي انتي قصدج فرحة ممشاها انا لو بدالج بسويها بين اهلس باخذ كيكه وبحطي عليها صورتها وهي واقفه وبسويلها عزيمه بسيطه وبس حبيبتي وسوي مثل توزيعات تكون لليهال لانه الحفله تخص ياهل وبس

النثور هو يوم يمشي الياهل ينثرون عليه بيزات وحلاوه واليهال يلقطون <<<< هذا قبل
الحين قاموا الناس يسوون حفله للصغاريه وفيها توزيعات والتوزيعات عباره عن حلويات وشوية بيزات اذا حبيتي
^_^