وش عاد لو بالجيب بيجر وجوال {{ رائعة حامد الضبعان}}

عز الله اني من كبار المفاليس

تحسبني من أكبر رجاجيل الأعمال

مخباي مابه غير بيض القراطيس

إلا ان كان ان التجارة بالأقوال

وإلا بكثر الأدوية والهواجيس

لاتنخدع ياخوك في ست عمال

فلوس ورى العامل مزاقيط لبليس

مايتجر إلا شخص ممسك وحيال

وأنا ريالي ماعرف ظلمت الكيس

خلوني العمال من كثر الأشغال

أحسب خساراتي بتخميس وتسديس

حتى ولو عندي ثلاثين جوال

ماتنفعن وتجارتي بالعواكيس

خله على الله ربك أعلم بالأحوال

شيبت من كثر الفكر والوساويس