وصلن خدامتي الاثيوبيات

السلام عليكم

حبايبي وايدات ينشدن في الخاص عن الخدامات الاثيوبيات
انا يبتن عن طريج خدامة بيت اميه الله يرحمها

سوينا لهم فيزة ترفيه المده بس شهر

مفروض يوصلون قبل شهر الحبايب طارت الطياره وهن يالسات ياكلن في المطار
وعقب أسبوع رجعنا حجزنالهم ووصلوو

لو ما ظهرو يكون السبب من دولتهم اذا اكتشفو انهم بيشتغلون يردونهم
اكدو عليهم ما يرمسون

الحين من 3 أسابيع عندي ضيعو أسبوع عليه وخيره من رب العالمين
وحده زينه المسيحيه والمسلمه استغفر الله عنيده والسانها طويل طبعا نحجز التذكره ذهاب واياب
عندها لين يوم الاثنين لو اصطلبت بسفرها وبخلي المسيحيه

انزين لازم قبل انتهاء الشهر نسوي تعديل وضع واهنه الهجره يعطون فرصه شهرين
عشان نختبرهم واذا ما نباهم نكلسهم ونسفرهم

هاذي كل الإجراءات

دولتنا ما منعتهم المشكله من دولتهم فتعديل الوضع ما يخالفون فيه بس يطول شوي
والسموحه

السلام عليج . فديتج بتخبرج كيف طلعتي فيزا الترفيه . من دبي او ابوظبي . وكيف الاجراء؟ لاني ابا اطلع بس مب عارفه وكل حد يقولي ماتقدرين من ابوظبي بس دبي … ياليت لو تفيديني في الموضوع

اتريا جواب على وسؤال اختي عيوني ومشكوره ربي ييسر لج كل خير

مساء الورد الغاليه
لا قلت في موضوع وحده من العضوات انه اختيه يابت بهالطريقه وبتكلفه
بسيطه هم بس خسرونا يوم طوفو الطياره ردينا نحجز مره ثانيه

الحين بحط تفاصيل اكثر

من عيووني يا عيون الكون

شوفي الإجراءات من البدايه
خدامة بيت اميه عطتنا ايميل هم يتعاملون ويا ريال هناك في اثيوبيا
طرش لنا الصور وصورة الجواز سار ريلي وطلب لهم فيزة ترفيه تكلف تقريبا 450
وعقب خدامة قوم اميه تعرف واحد في دبي يوصل الفيزا الاصليه لاثيوبيا بتكلفه 175 بس
ومن توصل الفيزا نحجز لهم ونخبرهم ونطرش لهم بالايميل صوره من التذكره
وهم يسحبونها ونحنا نحدد متى السفر
الفيزا مدتها من انسويها شهرين بس مدتها من يوصلون شهر
الحين بيكملون 3 أسابيع
بس خبلوبي هههه مع انهم خبره
المسيحيه ماشي حالها لكن المسلمه كله تراد وتلاسن وخربت المسيحيه
والله محتاره شو اسوي

وعن ابوظبي ما عرف والله نحنا من دبي وما كانت فيه أي مشكله الحمد لله
الحين مفروض نسوي تعديل وضع ومدته شهرين
المبلغ كله عن خدامتين 450 فيزا + 175 حق الريال + 4000 تذاكر ذهاب واياب
بس ردينا حجزنا يوم طافتهن الطياره 2024
والا المبلغ بسيط بالنسبه ل هنتين

والله كريم

فيه ملاحظه ريلي قال لي انه ربيعه سووا ل 4 خدامات ما طوفهم من اثيوبيا يعني انتو وحظكم احيانا

– – – Updated – – –

آمين حبيبتي
وجاوبت بالتفصيل

جربت الاثيوبيات راسهن يابس وكسوووووووووووووولات
وعصبيات الله يعينك