وصل بوالشباب

أول شي يت عموه الصبح و قالتليه اجهزوا و غداكم عندنا أنا شكيت ان ريلي وصل وانه موجود هناك لان عموه مب رايمه تخفي ضحكتها وسألتها عمووووه (بوفلان)وصل؟ و حلفت انه ماوصل قتلها عيل بلاج تضحكين وضحكت قالت : عنبوه تراني مستانسه قتلها : ماعليه يا عموه جان ما بتخبرونيه و باستني وقالت : والله ان ماوصل عاد غصبا عنيه صدقتها حلفت

عقب سرنا بيت عموه وتغدينا وخلصنا و يلسنا لين العشا تقريبا وأنا ابا اسير و عموه تأخر ماتباني اسير وعقب رن تلفون عمتيه وسارت ترمس وانا دقيت ع تلفونه جان يعطي مشغول (جكيتهم) و يت عموه تضحك وأنا نقعت ضحك لاني كشفتها و حمياتي يقولن انتي و عمتج اليوم مب صاحيات خخخخ

و ع الساعه مدري كم بضبط ودونا البيت وروحوا عموه و عمي لن عموه تبا تسير الصيدليه و من ذكاء ريلي ماخش نعاله (تكرمن) ههه و عرفت انه فالبيت و جان اربع ع غرفة النوم انا واليهال و أونه مخلي عمره راقد وجفته جان اقول حق عيالي : هاي صلعة منوه؟ جان تقول بنتي : هاي مب صلعه هذا باباه هههه أنا قتلها : فديتج هاي صلعة باباه و هو يبا يضحك بس أونه راقد و معطنا الظهر و جان اتذكر قصة ليلى والذيب ف قتله (جدتي جدتي وين سارت الكشه) جااااان ينقع ع ع ع عليه ضحك و عقبها سلم علينا و(هني شي مابقوله) قاليه : ماخفتي أكون حرامي ههه قتله : والله الحرامي مابيتفيج ينسدح خخخ و المريه فديتها قالتليه عطيه دمعتين وأنا ماصدقت خخخخ ولعيونهاا عطيته زياده من عنديه

و عاد عقب اتصلنا بنفآجأ حمياتي و يبن يعرفن اذا وصل ولا لأ وقتلهن : مابخبركن(لزوم المقلب) وهو يأشر لي لا لا لااااااااااااتقولين ونش ولدي فديته الذكي وقال : بااااباه و نش الحبيب قاله : هاااااااااااااااه بأعلى ماعنده(نسى عمره ههههههههه) و كشفوناااا و كلهم يو ركض ع بيتنا حمياتي وعيالهن و عمي و عمتي وتوهم مجفين كلهم روحوا من عندنا عشان ناخذ راحتنا وريلي قالي بيقعد دقايق بس عند ربيعه اللي ماصدق ان ريلي رجع ويا يسلم عليه ويبارك له بالعمره فقلت لين يخلصون سلامهم الحار اخبركن بالقصه و بظهر والله يعلم من فرحتيه متى أرجع المنتدى