خواتي انا ياني إلتهاب قوي في إذني وقالولي عقبها انها جرثومة خطيره بتاكل خلايا جسمي لين تموتني لو ماعالجتها… والعلاج طبعا كان قوي وماقدر ارضع بنتي ويا هالأدويه…. وقبل كم يوم وقفت العلاج خلاص وماتت هاي الجرثومة الحمدلله…
بس الحين مشكلتي مع بنتي…
هي عمرها 3 شهور الحين و10 ايام
يعني وقفت رضاعتها وهي عمرها شهرين و20 يوم تقريبا
مب طايعه تتقبل صدري ابدا
وتصيح وايد من اقربه صوبها وترفضه
شو اسوي عشان ترد ترضع
مع العلم اني احس مافي حليب في صدري من اول يوم ويا العلاج
لاني ماكنت احس بالانتفاخ مال تجمع الحليب ولا بألم تجمع الحليب
ولين الحين احس صدري عادي شرات قبل لا احمل او اربي
بس وايد قالولي لو رضعت بيطلع الحليب
بس هي ماتساعدني او بمعنى اصح هي ماتعطييني امل
هل صدق مافيني حليب؟؟ او هل صدق هي ماراح ترد تتقبل حليبي؟؟؟؟؟؟؟؟؟؟؟؟؟؟؟؟؟
وثـآني ششى انا ماعرف اذا بيرد صدرج يسوي حليب ول لا
بس انا شسمه كنت نفس حالتج ولدي ودر حليب صدرى وتم كل ماحطيه يصييح بس بعدني كنت احاول قبل ما اعطيه المرضعه احاول ارضعه من صدرى رغم انه يصيح بس احاول
وتبعت عدت طرق اول شى خذيت لى حلـآبه عشان احلب من صدرى
ومره سرت الصيدليه وخبرت اللى تشتغل فاصيدليه
المهم عطني جني نفس اللصقه احطيها ع صدرى وراسها نفس راس المرضعه اتمني فهمتي قصدي ماعرف كيف اوضحلج ههه
والمهم تميت احاول ارضعه وانا احطي هاللصقه ويرضع عادى بعدين شسمه رد يرضع عادى من صدرى
بعد من دون اللصقه
وبس . . ادرى يمكن مافهمتي ولا كلمه هههه لاني ماعرف اشرح هههه
وان شاءالله بترد ترضع من صدرج
مشكورة وايد على ردج السريع
فهمتج فهمتج
من كم يوم سرت عند ربيعتي توها مربيه
قلتلها شو هاي
قالت لان حبه صدري صغيره استعمل هاي
فكرتج حلوه
بجربها صدق
ابا اجرب اي شي
وان شاءالله باجر بظهر بشتريها وبخبرج بالنتايج
بس انا احس مافي حليب صدري لين وايد وجربت اشفط
مايطلع شي ولا نقطه
قبل لا اخذ الدوا كنت اشفط حليبي واحطه في المرضعه اوني عشان اعلمها على المرضعه يوم تكبر عشان العصاير والسوالف الثانية
بس بعد بجرب
مشكوره فديتج
واتريا رد الاخوات الي مرو بتجربتي
ومعلومة ثانية بعد كل ما رضعتي بنتج منج زاد الحليب أكثر واذا ماقدرتي اشفطيه بالشفاطة صدرج عشان يدر أكثر وماينشف صدرج .
محمد رسول الله