ولاية بالتمور الامريكية

السلام عليكن خواتي
منو منكن قد سافرت بالتمور ؟؟؟
بغيت معلومات عن الولاية ضروري

انا خاطري اروح امريكا

بس لاحول ولا قوة الا بالله

الوضع الحينه الحينه بالذااااااات وايد صارم ,, الله يعينج الصراحه

خصوصا الحين يعني ف مقتل اسامه بن لادن مايخلون اي حد يدش امريكا ..

اروح لي اروربا ولا شرق اسيا ولا هالذل و العذاب الي بشوفه ف عيوني

سوووري الغاليه بس هالصدق الحينه الوضع موووووول مايطمن

اللـــــــــــــــــــــــــــــهم

إني أسألك نعمة دائمــة
تفيض بها خيراتــــــــك
وتتوسع بها أرزاقـــــك
وتتضاعف بها بركاتــك
وتزيد بها أفضــــــــالك

وأعــــــــــــــــــــــوذ بك

من أن تزول عني نعمـك
وتنقص عني خيراتـــــك
وتنقطع عني أرزاقــــــك
وتنتهي عني بركاتــــــك
وتذهب عني أفضالــــــك

الغاليه انا حاليا في بالتيمور

بغيت اسالج عن السكن ؟
اذا ممكن نظام شقق
للاخت ام فطامي

هي حبيبتي نحن ساكنين في شقه عباره عن غرفتين وصاله وحمامين ومطبخ
بس نحن تمينا اسبوعين ندور ماتحصلين بسهوله والشقق وايد غاليه انا اعرف ناس ماخدين ب 5000 دولار بالشهر ونحن سعرنا وايد اوكي واذا تبين بطرشلج رقم الحرمه اللي تاجر وهذي اسعارها وايد اوكي نحن عطتنا الشقه ب 3500 وكل شي يديد حتى الاثاث اتيبه جدامج وكل مستلزمات المطبخ من الملاعق لين الجدور وصواني الفرن وطبعا في غساله وفي غساله صحون وفرن ومكرويف وحتى ادوات التنظيف والنت وتلفزيون ويابت لنا رسيفر عربي بعد واذا بغيتي بعد بعطيج رقم زوجي وخلي حد من اهلج يتواصل معاه ويتفاهم معاه اذا ودج نحجزلج

ما تقصرين حبيبتي
اذا ممكن تعطيني رقم الحرمة ؟
لان انشاالله بنسافر على اخرشهر 5 للعلاج
بس بغيت اسالج عن المستشفى مواعيدهم اوكي و الا ياخرون نحن بنكون في مستشفى جونزهوبكنز
سمحيلي واايد اسالج
لان اول مرة نسير هالولاية