شحالكم بنات ,,
قصتي الله يسلمكن .. عمري 25 سنه . بنت طالعه من الدراسه و يالسه في البيت لا عندي صديقات ولا عندي هدف في الحياه .. مقصره وايد في عمري ..
السالفه و ما فيها .. من 3 سنين تقريبا هاي هيه المره الوحيده اللي بس يونا الحريم . شافوني وكل شيء ., و اخر شيء قالوا انه الريال في عيب .. رمست امي قالت لي الريال طلع فيه عيب .. و قلتلها لو ما يبوني ترا عادي كان ممكن اتقولولي ..
و يمكن صح الريال فيه عيب او يمكن الوالده ما بغت تجرحني . مع انه عادي عندي بس طبيعي الوحده بتشك ف عمرها صح ولا ؟
و الشيء الثاني اللي فيني انا فخاطري صدق اعرس و نفس الوقت اخاف احس ما عندي مسؤوليه العرس مووليا . احس بعدني ما شبعت من الحياه العزوبيه بس لين متى .. و مرات اقول فخاطري انا اتم اقول ها الكلام للكل لان محد اتقدملي من الاساس و انحرج اقولهم ابا اعرس و بالاخير الزواج قسمه و نصيب ..
كل ما ايلس وي نفسي ,, اشوف نفسيو اقول شو اللي ناقصني … الصاراحه ما اشوف فيني شيء الحمدالله حلوه و الكل يمدح فيني .. و ربيعاتي كلهن كلهن عرسن و كل وحده ماشاءالله وراها 4 .. و بنات هلي صغار و اعمارهن بين 18 و 20 و اللحين بيعرسن . و سؤال دووم ايي في بالي ,, من يلسه يدووه الله يحفظها فرت عليه رمسه و كانها تقول تراج عانس . اللحين العانس من اي عمر .. =( .. ؟
انا ما افكر في الموضوع و لا مستعيله بس حلم كل بنت تضمن مسقبلها و تتمنى يكون لها عيال كتاكيت فديتهم و بعدهم ما يوو لووووول .
اسمحولي طولت عليكم . بس شفت الكل هنيه قلبه ع الثاني و يواسي الثاني ..
انصحوني بنات او صححوا تفكيري اللي عايش بها القوقعه ..
شوفي بعدج صغيره ولا تخلين هالفكره تكبر في بالج
نفكر هيه ما اقول لج لا بس في نفس الوقت هل لهالدرجه بكون حزينه
يعني فكري ما شاء الله فاللي عندج حاليا جمال واخلاق وصحه
التزاماتج اقل واخف – الزواج قسمه ونصيب
ولا تحطين في بالج ابدا ان لو طلعتي كل مكان بييج ريل وان كنتي فالبيت محد بييج لا
هالاعتقاد غلط في غلط لان النصيب من الله مب من الطلعات
انا اعرف بنات ما شاء الله يسيرن كل الاعراس والعزايم والمناسبات والكل يمدح فيهن … بس ما ياهن النصيب
حتى رمسه ما استوتوبنات ما جد طلعن من البيت وعرسن
شي بنات قمه فالجمال قمة فالاخلاق والله وبعدهن يالسات يترين النصيب
وعندهن يميع عيال العم والخال …..وربيعاتهن بس ما عرسن
اللي انا ابا اوصله لج هو مب الشكل ولا الكيف ولا الطلعه لي تحكم مصيرج فالزاوج
ربج هو لي كاتب لج متى ووين وكيف ف خللي ثقتج بالله كبيرة ^^
لي الزواج واغلب الخطاب مش مناسبين ولا أني مفكره لا بعنوسه ولا بتأخير اهم شي الراحه
ويوم اشوف المتزوجات الي مش مرتاااااحين اقول يارب لك الحمد على الراحه
وانت لازم تملين حياتك بامور ترد عليك بالنفع والفائدة حسب ظروف اهلك سواء عمل او دراسة او الاشتراك بأنشطة أدبية ورياضية الين الله يجيب لك الرجل الطيب
اسأل الله ان ييسر لك الخير ويجمعك بالصالح الذي يخاف الله ويرجوه وانا معاكي وجميع البنات
هل التفكير طبيعي جدا …
لاني مرات اقول لنفسي نفس الكلام …
بس تعالـــي …هل الشي ما يستوي إلا يوم ربج كاتب لج نصيب مع شخص معين …
يعني لا تشوفين البنات الي يعرسن وهن صغار وتتحسفين ع نفسج وانج بديتي تكبرين >> هااا انا ..
لكن تتوقعين الي بعمر 19 و20 مستانسااات …يعني تخيلي وياايه الحمدلله نحن نطلع ونحوط ونروح اي مكان بشور اهلنا طبعا …ونرقد متى ما نبا ..لا صغاريه ولا مسؤوليه ..بغض النظر عن الدوام لاني اداوم …بس صدق ربج لو كاتب لج بيهيئج لهل الشي …بتكونين انتي نفسيا مستعده …بتكونين ناضجه ..الي يعرسن وهن صغار ويتحملن مسؤوليه وهن صغار يوم يوصلن 30 سنه يعطن عمرهن فرصه للدراسه او الترفيه ..الحمدلله انتي تقدرين تستغلين هل الفتره بشي ينفعج شغل او دراسه او حتى تشتركين في نادي …انا الشغل مخليني انسى هل الموضوع لكن مستحيل ما افكر …هل الشي طبيعي ..طبيعي جدا الي حولج يعرسن رزقهن …بس مب طبيعي انج تحولين تفكيرج كله ع هل الشي ..لانه متعب ..وبعدين اهتمي بعمرج …نصيحه من اخت صدق …شوفي انا من اشتغلت واايد تغيرت شكليا ..حتى ستايلي تغير ..يوم تكون نفسيتج اوكيه يعكس هل الشي للناس ..ومظهرج يتغير …لو اشياء بسيطه تظيفينها لمسات خاصه بج …وتثقفي من اللحين …عشان يوم تتزوجين تكونين مستعده …ربي يوفقج ويرزقج الزوج الصالح عاجلا غير آجلا …عليج بالدعاء دايما في السجود …ودامنج في البيت صلي ركعتين قيام الليل …تسوى الدنيا وبما فيها …