شخباركم خواتي ان شاءالله بخير
اشلون اعيالكم في المدرسه؟ و الامتحانات؟
ما ادري يمكن ما عندي سالفه. حبيت نسولف عن اعيالنا ويا المدرسه و نتشاور عن كل شي فيها.
ولدي توه في KG 1 و رايح 2 ان شاءالله
و الصغير رايح ان شاءالله كي جي 1
شنو تسوون علشان تهيؤون اعيالكم حق المدرسه؟
خصوصا بالمراحل الأولى تقريبا لي G 1 لأنهم يخلون الكتب بالمدرسه؟
بالنسبة لي ولدي الكبير من قبل ما يبدون الدراسه كنت شاريه الكتب و كنت ادرسه اشويه الكلمات و افهمه اشلون يحل.
و اهم شي بالنسبه لي بصراحه كان اني اشوفه يعرف يمسك القلم و يمشي على الخطوط. كنت شاريه كتب خارجيه علشان يتدرب يمشي على النقاط.
ولدي الصغير الحين حاولت ابدي معاه, بس احسه صغير مو قادر ليما الحين يمشي على النقاط راح ايين منه و الله.
و بعد عندي سؤال لكم خواتي
اهم بعد ما يخلصون اليهال KG 2 يسوون لهم حفله تخرج و يعطونهم شهادات و لا لأ؟
شي بعد خلونا نتكلم عن شنو يعجبكم في المدرسه و شنو ما يعجبكم؟
ناوين تخلون اعيالكم يكملون بالمدرسه ولا لأ؟ لأنه وايد اهل يقولون بس نخليهم يتأسسون و بعدها ينقلونهم بسبب الخلط
اشوفكم على خير ان شاءالله و بانتظار مشاركتكم
اول طفل لي بيدش هالسنه ان شاء الله kg1 وما اعرف شي بس حاولت اعلمه يمسك القلم ويمشي شوي على النقاط بس سمعت ان المفروض ما نرهقهم واايد يكفيهم اللي بالمدرسهوما اعرف الله كريم
وكم رسوم الكي جي 1 وشو دراستهم أوكي ولا لا
أدري إني ما فدتج بشي بس من زمان أبغي أسأل حد عنهم ويكون عندهم خبره وياهم
وبكون شاكرة
المشاركة الأصلية كتبت بواسطة لعيونك إنت 
اول طفل لي بيدش هالسنه ان شاء الله kg1 وما اعرف شي بس حاولت اعلمه يمسك القلم ويمشي شوي على النقاط بس سمعت ان المفروض ما نرهقهم واايد يكفيهم اللي بالمدرسهوما اعرف الله كريم
تسلمين الغالية و ما تقصرين
و زين تسوين تخلينه يمسك القلم كبدايه و اذا حابه يتعلم اكثر عندج وايد كتب خارجيه للتدريب على الكتابه و الأحرف و الأرقام. و لا تضغطين عليه بالعكس خليه براحته. يعني متى ما مل خليه يروح.
انصحج روحي مكتبة المجرودي في دبي
او جرير في او ظبي و راح تحصلين شغلات وايد تهبل حق عمرهم و الله يا اختي.
و الله يوفق اعيالنا يارب.
المشاركة الأصلية كتبت بواسطة أم حارب وكم رسوم الكي جي 1 وشو دراستهم أوكي ولا لا
أدري إني ما فدتج بشي بس من زمان أبغي أسأل حد عنهم ويكون عندهم خبره وياهم
وبكون شاكرة
هلا و الله فيج اختي
حياج ويانا.
شوفي يا اختي, ولدي في شويفات الشارقه و فرع دبي ما ادله و الله للأسف لكن هذا الموقع مالهم.
https://www.iscdxb-sabis.net/
و رسوم الكي جي 1 للسنه اليايه 15500 الف درهم. و دراستهم اكثر من ممتازه بصراحه. يخلص الطفل كي جي 1 و يعرف الحروف كلها عربي و انجليزي
و الأرقام بعد. طبعا هذا غير الكلمات و الألوان و الأشكال ووايد وايد شغلات ماشاءالله يا اختي.
و نسيت اقولج انهم بعد يبدون بقراءة الكلمات البسيطه من 3 احرف و 4 بالانجليزي.
و الدين يعطونهم اساسيات و بعض السور القصيره.
و ماشاءالله معاملتهم ليما الحين وياي تهبل ما شفت شي ما عجبني فيهم. و بعدين اغلب الامهات يشتكون من كثر الواجبات في المدارس الثانية. لكن بالشويفات من بدت الدراسه ولدي ما عمره ياب معاه شي يسويه بالبيت غير قصص للتدرب على القراءه مو اكثر اما باجي الشغل كله بالمدرسه. علشان جذي دوامهم طويل.
اي استفسار يا اختي انا حاضره و بالخدمه
إني أدخل ولدي عندهم وإن شاء الله فرع دبي يكون بمستوى الشارجه
انا أهم شي عندي المعامله