ولدي راواني الويل

كيف الحال امهات دخيلكم بدخل في الموضوع بسرعة المطلوب ابي حل بأسرع وقت قبل ما استسلم عندي 3 اطفال ولدي من بينهم ولدي عمره 3 سنوات ونص والمشكلة ان في البيت هو واخوانه بس ما عنده يهال يختلط وياهم ولا يسير مكان واخته غير عنه مؤدبة وتسمع الكلام اما هذا هو اسمه برهوم مخبل فيني خبل مثلا ما يسمع الكلام ابدا كله يضارب عنيد بدرجة اولى والي براسة يسويه وما يستوعب لما ترمسيه كانج ترمسي حجر وكله طايح ضرب بالشغالة واخته وما يسمع لا كلامي ولا كلام ابوه ولا اي حد ومشاغب وايد اشويه عليه والي بدورنا سويناه كلمناه بالطيب والسياسة ما نفع تعاملنه وياه يالتهديد ما نفع بالغراء مانفع بالضرب ما نفع الا يوم يشوفني ماسكة ليه عصا يمكن يخاف شوية وبعد يعاند شو الحل وياه ما ادري وانا خايف من شئ واحد بس انا في البيت نقدر شوي نسيطر عليه بس خوفي إنه السنة اليايه بسير الروضة والله يعلم شو بسوي حق المعلمة والطلاب لاني وديته تجربه شو قالت ما قالت المعلمة طاح بالاولاد ضرب والمعلمة طبعا مسويلها اكبر طاف دخيييييلكم ساعدوني وليكم مني ادعيلكم بكل صلاة اختكم المستاءة

حاااااااولي معاااااااااة بطيب و الرسول قال:
ما كان الرفق في شي الا زاااااااانة
الله يهدية ان شاء الله انا ضد الضرب بصراااااااااااحة يمكن هو يشاغب عشااااااان يلفت الانتباه فعطية وية امدحية
اذا سوى اي حركة زينة الله يكون في عونج
صح انصح انج تقرين كتب عن التربية والله رااح تستفيدين كثير خذي كتب مصطفى ابو سعد
و ادعي الله يهدية
بلتوفيج

حبوبة انصحك تقرئين كتاب: التربية الذكية بدون ضرب بدون صراخ وكتاب: الاطفال المزعجون

وان شاء الله بتسفيدين

مشكورين حبايبي على الرد بس والله ما عندي وقت اقرا لان توني مربية والله انا ضد الضرب بعد بس شو اسوي ما يخاف الا لما اهدده بالضرب وقريت وايد في النت وسويت له جدول وانا من النوع الي احب امدح وايد بس اخته عكسه تماما هو بس طالع هالشكل محتارة والله كيف اتعامل معاه وابوه ابدا ما يحب يضرب من النوع الي يحب يتفاهم وياهم ويدلعهم واخته الحين عمرها 4 سنوات والله ولا مره ضربها بس هو غصبن عليه يخليه يضربه ما نعرف والله شو نسوي وياه

مثل ما قالت ام شهد

واقري عليه وااااااااايد وعلىاخوانه وخواته الحمد الفاتحه يعني وشربيهم من الماي وايد زين

عادي الغاليه كل اليهال في هالعمر جذه ..
لا تقولين ولد أو بنت الأغلبيه جذه ولا تلومينهم ..
الحياه تغيرت والعيشه صارت ممله وحتى اليهال قاموا يطفرون من كل شي ..
شوفي ولدي كان نفس حالة ولدج وحتى من دش الروضه عانيت وااايد من هالشي و من الشكاوي ..
بس سبحان الله مع الايام صار أهدا و أعقل الحمدالله والشكر ..
بس كل شي يباله صبر و يباله سياسه ..
شوفي حطي جدول و قسمي خانات حسب الاشياء اللي تبين تغيرينها فيه ..
بعطيج مثال على الجدول اللي سويته لولدي .. كان ثلاث خانات ..
وحده للباص و الثانيه للمدرسه و الثالثه للبيت .. اذا ما شاغب في الباص أسويله نجمه واذا كان مشاغب و وصلتني شكوى من المشرفة أسويله ويه زعلان و نفس الشي المدرسه و البيت عاد على آخر اليوم اذا تم طول اليوم شاطر ويسمع كلامي و ما شاغب ولا خرب شي ولا أزعجني أسويله نجمه و هكذا ..
و نهاية الاسبوع أعد النجمات لو كمل 10 أعطيه هديه و يحبذ في البدايه انج تخلين الهديه جاهزه جدام عينه وتغلفينها و ترفعينها فوووق بس خليه يشوفها من بعيد لبعيد وقوليله اذا حصلت 10 نجمات بتاخذها واذا لا تراها راحت عليك و بعطيها لحد ثاني .. يمكن في أول الايام ينسى بس مع التكرار و كل يوم وهو يشوفج ترسمين له ويه زعلان بيتأثر صدقيني .. ولدي واااااااااايد فاده هالشي ..
وانتي ممكن تخلين هالشي منافسه بينه وبين اخته كل حد له جدول منفصل …
انا ولدي وحيد عسب جذه ما يعرف وين يدق براسه .. بس انتي ولدج ما شاء الله عنده حد يلعب وياه ..
عسب جذه حاولي تخلينه اخته تقعد وياه تلعب وياه بالصلصال مثلا او يقعدون يلونون ويرسمون مع بعض ..
ولو ولدج فيه طاقه زياده خليه يلعب بالنطاطيه أو الدراجه فتره يفرغ طاقته أو خذيلهم حوض وخليهم يلعبون فيه مع بعض .. خليه يحتك اشوي باخته عسب ياخذ من اطباعها اشوي …
و حاولي تحسسينه باهتمامج اكثر يمكن بعد هو يغار من اخوانه كل شي جايز …

و ابتعدي عن الضرب نهااااااااائيا .. نصيحه بخصوص أسلوب العقاب الأمثل .. ( النوتي كورنير ) كورنير خاص في البيت خليه مخصص للي يشاغب سواء كان هو أو أخته و خليه يوقف غصب عنه أول مره خليه يوقف 3 دقايق لو حسيتي انها ما فادت فيه زيدي المده اشوي و عقب ما يخلص الوقت روحي له وخليه يعتذر لج ويبوسج على راسج ويوعدج انه ما يكرر اللي سواه و لاااااااااااازم يعرف هو في شو غلط عسب ما يعيده ..

و الله يصلحه يا رب ويخليلج عيالج …

ادعيلي ربي يصلح ولدي بعد و يثبت حملي على خير …