ولدي فيه جدري

خواااتي اتمنى انكم اتساعدوني ولدي فديته البارحه لاحظت فيه حبوب فيها مثل الماي خفت واليوم وديته العياده وقالي ها بداية الجدري الحمدلله انج اتلاحقتي عليه عطاني دواء بس الله يخليكم الا عندها خبره في الاعشاب او اي شي اتمنى انها اتفيدني

ما عندي اي فكره إن شاء الله الخوات ايفيدونج

و الله يشفيه إن شاء الله

هلا الغاليه

ما يحتاج لا اعشاب ولا شي

اهم شي لا تثقلي عليه باللبس وكله يلبس ملابس قطنيه

وتحذري تسبحينه والا بيزيد اكثر واذا هو صغير يلبس حفاظات الافضل تلبسينه الحفاظات القطنيه يعني اللي تنغسل

وحطيله الدواء اللي عطوج اياه في العياده دوم لانه يساعد الحبوب تنشف وما يخليها تنتشر في الجسم اكثر

ومتى ما نشفن الحبوب كلها

يبيله ماي بحر ودفيله اياه شوي لان الحين برد وسبحيه به وان شاء الله يقوم الصبح ولا كانه كان مجدر من قبل

انا سويتها ويا ولدي الصغير اللي فقير ما كان ينشاف ويه من الجدري ويوم سبحته في البحر قام الصبح وما فيه اثر حبه وحده او كان مجدر

ا
وبتقولين زين يبى سبوح بقولج بفوطه دافيه امسحيله جسمه كل يومين وبس ويهه واطرافه يعني كف ايده وقاع ريله بشكل يومي

وان شاء الله يروحه عنه

انا بعد فيني جدري واحين ففتره الاخيره بس انتبهي اتحكينه لانه يبقع انا مبطله كمن وحده واحين شكلهم غير بس لا تاكلينه اشياء مقليه ولا تسبحينه

تسلموووووون خوواااتي والله ما قصرتو
اختيnawariمشكوره على المرور
اختي ام الذيب جزاج الله الف خير على ها المعلومات ان شاء الله بسوي مثل ما قلتي
اختي بدووويه الله يعافيج ان شاء الله ما تشوفين شر ومشكوره اختي

أهم شي لا تسبحينه بماي وفي غسول فالصيدلية للي فيهم جدري

مشكوراااااات خوااتي ما قصرتو