ولدي ما يبا يودر المرضعه شو الحل؟؟؟؟؟

السلام عليكم
خواتي ولددي بيكمل 3 سنين هالشهر وما يبا يودر المرضعة يصيح مثل البيبيز يبا حليب كل كم ساعة ابا حل بليز ساعدوني

الله يعينج صدق ذكرتيني ببنت اخت ريلي هالشهر بتكمل 3 وبدش في 4 سنين وبعدها المرضعه في اثمها حتى لو فااضية

اختي حااولي تكرهينه في المرضعه حطي مثلا ويا الحليب شيء مر ولا حتى على حلمة المرضعه حطي شيء مر ولا حار عشاان يودرها وان شاءالله شوي شوي بيودرها

ذكرتيني ببناتي الكبار..أيام صعبه كانت..
أنا خذت بنصيحة عمتي وقصيت الثوم (الحلمات) مال المراضع وجيه ما عرفوا كيف يشربون تموا يصيحون كمن يوم وعقب اتعودوا ..بس في نفس الوقت كنت شارية حقهم أكواب مال اليهال كبديل..

انا ولدي يوم كمل سنتين بالضبط شلت عنه المرضعه امي الله يخليها ما خلتني حتى يوم وااااحد اعطيه جان احطله صبغ الاظافرعلى الثومة المرضعه وكل ما يشوفها يقول كخ بس ييودها بأيده ويدور فيها يومين الا وهو ناسنها بس الحين بغت المصاصه بس نفس الشيء بسويله بس اعطيه بريك هذي الفتر ه

انا ولدي ودرت عنه المرضعه لما كان 4 سنوات كان يغمضني بس تبين الصدق ضعف من ودرتها ولين الحين ما يبغي الحليب …
مشكلتنا ما نعود عيالنا على الكوب من يوم صغار … انا شايفه دكتوره تقول عطوهم من الكوب من عمرهم ثلاث شهور وبيتعودون وااايد اوكي …

آآآآآه من هاي المشكله
انا البارحه فطمت ولدي من المرضعه عمره سنتين حطيت عليها لزق مال الجروح وتم يصيح شوي يباها بعدين الله هداه اصيح بس عايفنها جربي اكيد بيصيح اتحمليه شوي وعوديه على الكواب مال اليهال اغريه فيهم وانشاالله يتعود

في دوا مر في الصيدليات للفطام ييبيه و حطيه على المصاصه المرضعه بيورها بسرعه

انا ولدي من حطيت له هالمره زاع مره وبعدين مول ما طلب المرضعه