ولدي ما يرقد من ليلتين

ولدي خبلبي ما يرقد من ليلتين ،، كانت فيه حمى وخلاص راحت من يومين ،، مايرقد حتى نص ساعه تعبني احسني بتخبل ميته من التعب ،، لو فيه شي جان بيتم طول اليوم متضايق ويصيح ،، بس بالعكس يلعب عادي ، هو اسنانه الثنين اللي فوق بيطلعن وسوتله حمى من فتره غير الحمى اللي يته من كم يوم لانه كانت احتقان ،،
شو اسوي والله تعبت

ربي يوفقج ويعينج وعسى ربي يهديه أختي

تسلمين عالرد اختي

وينكم رد واحد بس ؟؟؟؟؟؟!!!!!!!

حبيبتي الله يعافيه لج يا رب

والإحتقان يطير النوم من لكبير كيف لصغير

أنا يوم عيالي صغار ادهنهم بزيت السمسم بقاعة القدم وتغطيها والظهر ويطلع عنهم البلغم مع البراز وانت بكرامة

وتقدري تكتبين بالجوجل فوايد او تجارب استخدام زيت السمسم

الله يعافيه لج يا رب

حبيبتي كل اليهال جيه ويتعبون وايد لما يبدون تظهر اسنانهم ويختلف طفل عن طفل
فاذكر ولدي الكبير كان ما ياكل ابد وحتى ضعف وكانت اتيه حمى اما الصغير عذبني والله كان بطنه يحله لدرجه انه احمرة منطقة الحفاض ويصرخ لما ايلسه او احركه

فهذي المرحله اتمر بكل الاطفال والطفل يعاني والام اتعاني فتحمليه شوي وهذا ماييلس اكثر من اسبوع على حسب علمي ولازم اتودينه عند طبيب اطفال عشان تتاكدين اكثر وترتاحن

والله يعافيه لج

السلام عليكم اختي

اذا الحين مافيه شي الله يحفظه غير السهر ويلعب وحرك اعتقد عادي

ولدي الله يحفظه نفس الشي

بس ممكن من الحليب الصناعي لان امي تستغرب ان عيال هذا الزمن مايرقدون بس نشيطين
وممكن اذا ترضعينه طبيعي تكونين انتي تشربين منبهات مثل القهوة والشاي والشوكليت والبيبسي..

الله يطمن قلبج عليه

فديته الله يكون في عونه