السلام عليكم
شحالكم
خواتي انا ما عندي خبره في الاطفال و ولدي عمره اسبوع مزجم وكحه وبطنه يعوره ومب عارفه كيف اتصرف ما يقدر يرقد من الزجام ومن بطنه
الي عندها خبره تساعدني لان ولدي بعده صغير واخاف اعطيه اي دوا
حبيبتى لازم الدكتور يشوفه
وديه الطوارى احسن احنا ما نعرف حالة الطفل كيف
وربي يشفيه ويطمن قلبج عليه
موفقه يالغاليه
على طول على المستشفى
وديه المستشفى
هلا ختيه الافضل انج تشلينه المستشفى خاصه انج تقولين انه بطنه يعوره بس حرصي بعد ما ترضعين الولد تچدينه وتحرصين انه ما يكون فيه غازات في بطنه وبالنسبه للسعله ماله دوا لانه صغير
الله يحفظه ويشفيه،، اسبوع وايد صغير
اغلب اليهال يسير لهم مغص عادي ويستمر شهور
الحل بالنسبة للمغص تعطينه قطرة انفاكول من الصيدلية قبل كل رضعة تقريباً (6 مرات في اليوم) و وثاني يوم اقل وكل يوم اقل اين يسير مرتين بس باليوم وحدة الضحى و وحدة المغرب
وخليه دايماً متدفي بالقماط القطن بدون ماترصين عليه والمكيف خفيه اليهال مايتحملون برد،، بس لاتخلينه يعرق من الحر
لو كل مغرب تدهنينه بزيت زيتون وتلبسينه ملابسه القطنية وتقمطينه وثاني يوم سبحيه وقت الضحى بعد ماتسكرين كل المكيفات والمراوح والبيبان والدرايش،،
بالنسبة للزكام خذي من الصيدلية محاليل ملح بحري مثل تونيمر وقطرة في كل منخر اذا الزكام متجمد وساد خشمه وعقب شفطيه بشفاطة الانف المخصصة للاطفال ( لاتاخذين محاليل الملح العادية لان الصوديوم مرتفع،، دوري على محاليل الملح البحري أأمن) وتكررين مرتين ثلاث باليوم خاصة قبل النوم،، واذا سايل بس شفطيه
ولاتطلعينه من البيت هذا موسم الصفري ييودون اليهال في البيت عن الامراض اللي في الجو تقريباً باقي عشرة ايام عليه مب متأكدة،، انا عيالي ممرض من كمن اسبوع يومياً اطلعهم بس هم كبار شوي سنة وثلاث سنين الله يحفظهم
طمنينا عليه الله يطمنج عليه
اغلب اليهال يسير لهم مغص عادي ويستمر شهور
الحل بالنسبة للمغص تعطينه قطرة انفاكول من الصيدلية قبل كل رضعة تقريباً (6 مرات في اليوم) و وثاني يوم اقل وكل يوم اقل اين يسير مرتين بس باليوم وحدة الضحى و وحدة المغرب
وخليه دايماً متدفي بالقماط القطن بدون ماترصين عليه والمكيف خفيه اليهال مايتحملون برد،، بس لاتخلينه يعرق من الحر
لو كل مغرب تدهنينه بزيت زيتون وتلبسينه ملابسه القطنية وتقمطينه وثاني يوم سبحيه وقت الضحى بعد ماتسكرين كل المكيفات والمراوح والبيبان والدرايش،،
بالنسبة للزكام خذي من الصيدلية محاليل ملح بحري مثل تونيمر وقطرة في كل منخر اذا الزكام متجمد وساد خشمه وعقب شفطيه بشفاطة الانف المخصصة للاطفال ( لاتاخذين محاليل الملح العادية لان الصوديوم مرتفع،، دوري على محاليل الملح البحري أأمن) وتكررين مرتين ثلاث باليوم خاصة قبل النوم،، واذا سايل بس شفطيه
ولاتطلعينه من البيت هذا موسم الصفري ييودون اليهال في البيت عن الامراض اللي في الجو تقريباً باقي عشرة ايام عليه مب متأكدة،، انا عيالي ممرض من كمن اسبوع يومياً اطلعهم بس هم كبار شوي سنة وثلاث سنين الله يحفظهم
طمنينا عليه الله يطمنج عليه