ولدي والدراسة

بنات خبروني شو اسوي

ولدي بصف الاول واحس انه عنده عدم اهتمام بالدراسة ولا يركز لشرح ولا يهتم بالمعلمة شوتقول بس يحب يلعب ولا يحب يشارك بالصف
يعني امس عطتهم يحوط علي حرف سين محوط البداية وبعدين محوط باجي لحروف اللي ماخدينها ويتفلسف ويقول مب لازم بس حرف السين انزين المعلمة طالبة هاالحرف بس
شو اسوي وياه مخبل فيني الولد مب غبي بس مايهتم بالدراسة احس ماخد الدراسة لعب الحين ما خدين تركيب لحروف ويعرف الحروف بس ما يطيع يقول شو ها الكلمة يوم اضربة يقولها بكل برود انتي تبغين اقول ويقول الكلمة وبعدين يقولي ها الحين ارتحتي انزين يوم انت تعرف الكلمة ليش تعاند
يقولون صبري علية بعدة صغير تقريبا اصغر واحد بالصف بس ما اعتقد ها السبب يوم اشوف درجاتة اتغصص مع ان ما شاء الله اخوانة من الاوائل ودرجاتهم حلوة ولا تعبت بتدريسهم الا هذا يوم اشوف الدفتر شو بصيح وحد يقول والله انت دلعتية من البداية لانة اصغر واحد من اخوانة والصبح قبل ما يسير المدرسة ايلس اقرا علية وخوانه يضحكون يقولون ما شئ فايدة ماما لا تحاولين
بس اقول انشاء الله فيه فايدة وبيلس علية لين ما اخلية بأذن الله من الاوائل

ان شاءالله

امس ولدي عطوهم الشهاده ولين اليوم وانا الدنيا تلف فيني هو صف اول واعرف انه شاطر بس ما يحب المدرسه واذا ما يحب المدرسه ما بيسويلها شيء يعنني الالوان برع الخط معفس بس علشان يغايضها.
شو نسوي

تدرين توني رادة من المدرسة تقولي المعلمة طلعية من المدرسة بعدة صغير ما مستوعب ان لازم يشارك ويحل الامتحانات ماخدنها لعب مثل الروضة والمناهج صعبة مو مثل قبل والولد كان يدخل اول من عمر سبع سنوات وهو الحين عمرة خمس سنوات وخمس شهور
بس انا مو مقتنعة السبب العمر في وايد اولاد بعمرة ومشين ما شاء لله وبعدين قالت خلي حد ثاني يدرسة يمكن يستوعب منهم ويركز
ولين الحين داير راسي ما ادري شو بسوي
ومشكورة اختي وانشاء الله نحصل حل ونخلهم يهتمون بالدراسة ونرفع من مستواهم

اخوي كان نفس الشي ما يحب المدرسة ولا يحب يكتب أو يقرأ ما انه شاطر ويفهم بسرعة
المدرسة قالتلي لازم تحببونه في الدراسة والعلم اشتريله قصص أطفال هو يختارها بنفسه ألعاب تعلمية
ولا تظغتنين عليه في الدراسة خليش صبورة وياه شوي شوي بيتحسن ويحب المدرسة أي شي يسوي لازم صح لازم تكافأينه تشترين هدية أو تشتري له قصة أو أي شي هو يختار بس يكون مفيد يستفيد منه مثلا مجهر
بس لازم يكون في تعاون بين المعلمة والأم عشان يحققون النتيجة المرجوة ولازم المعلمة تشجعه في الصف اي شي يسويه صح تعطيه مثلا حلاوة هديه وتكلفه بأشياء تطلب انه يجمع الدفاتر من الطلاب مثلا

مشكورة اختي سلسبيل الحياة على النصيحة وانشاء الله تيب نتيجة

تصدقين ..وانا اقرا موضوعج حسيت اني يالسه اقرا عن ولدي… جني انا اللي كاتبه هالموضوع .. نفس المعاناه بالضبط..
انا ولدي بالصف الأول… وبعده صغير .. يمكن اصغر عن ولدج لأنهم لما بدو الدراسه ما كان مكمل 5 سنين ..

اشوفه ماخذ الدراسه لعب ومايبا يذاكر .. قلت يمكن غلطتي اني دخلته روضه ثانيه على طول.. بس اشوف في صغاريه ماشاالله عليهم يفهمون ومايسوون شراته..

والحين هو الحمدلله احسن عن قبل.. احس يبالنا صبر . وتعب + صبر المعلمات عليه… اناكنت يوميا اسير المدرسه وافهمهم ان الولد صغير وانه مادرس الا KG2>>

ولدج في اي مدرسه يدرس؟؟
لأني استغربت من هالمعلمة اللي تقولج طلعيه من المدرسه .. المفروض ماتقول هالشي.. مو من حقها اصلا
اصبري عليه وانشالله بيتحسن مع الوقت ..