ولدي وخوفه من الحمام

مرحبا خواتي

عندي ولد الله يحفظه بيكمل 3 سنين عقب شهر ان شاءالله
لما كمل سنتين بديت اعلمه عالحمام ، وماخليت موضوع في المنتديات وماقريته .. المهم بديت وياه وتعلم كيف يبول أكرمكم الله
بس العودة مايعرف يسويها الا في البامبرز، أحاول اعلمه يسويها في الحمام وبدون البامبرز بس ماقدرت عليه كله يقولي اخاف … اقوله بنت عمو وولد خالو اللي بعمرك يسوونها وانته بعد تقدر وشاطر .. أحاول اشجعه واقوله بوديك الألعاب وبشتريلك اللي تباه.. بس كله يقولي اخاف ويلعب بالماي،حتى القيصرية اللي ابغيه يتعلم عليها يصب فيها ماي ويلعب فيها .. احاول امسك أعصابي واكون هادية ومااعصب عليه واترياه وايد بس ماشي فايدة..
واوقات اخاف عليه وانجبر البسه بامبرز عشان يسويها .. اخاف يمرض ولا يستوي به شي لا سمح الله .. بس بصراحة تعبت

عطوني حل الله يخليكم

طيب يا روحي إلهم كرسي خاص بالاطفال عليها اشكال كيوت يحبونها جربتها معاه؟؟؟؟؟؟

أول بداية تعليمي كانت بهالكرسي حمام للأطفال

https://www6.0zz0.com/2017/03/21/15/226115961.jpg
مثل هااي
جربي وخبريني

@.@ ثلاث سنيين اصلا مب زين انلبس اليهال بامبرز بعد سنه وست شهور تقريب اعتقد يخرب المبوله عندهم بعدين مايروحون يتحكمون بالبول @.@

الله يعينج .. اب

نفس مشكلتي ومب عارفه شو اسوي مستعد ما يسوي يوم كامل النهم ما يسوي في الحمام او الملابس بس البسه البامبرز على طول يفضي الخزانات

للرفع

خشي عنه البامبرز وقوليله البامبرز خلص ماشي ويلسيه ع الحمام واصبري عليه وطولي بالج وان شالله يسويها . موفقة