ولدي فديته كمل 7 شهور بس ماشالله عليه مغزز ودحدوح يعني اللي يشوفه يتحراه بو سنه وهو فديته بيبي
السبب ماشالله عليه فالليل وايد يرضع حليب تقريبا 3 مراضع حليب 150 ملي
الحين ابغي اخفف عنه لان النيرس قالتلي خففي عنه الحليب شلي رضعتين وخلي رضعه وحده
انزين الحين انا ابغي استبدل الحليب بشي ثاني لان اذا ما شرب شي بينش يصيح فالليل ولا بيرقد
عادي اعطيه شاي اعشاب مال بابونج او غيره ؟؟ اللي ايي ماركة ميلوبا ؟ ولا بيخليه يصحصح ؟
ولا اعطيه ماي دافي ويا حبة سكر نبات عشان يتحراه حليب ويرضع ؟؟
خبروني قولولي شو اقدر اعطيه فالليل غير الحليب ؟؟
انا زايغه على ولدي من عيون الناس امس شافه واحد من هلي وقاللي " انتي شو تعطينه ليكون تاكلينه سمبوسه ؟؟ " هو كان يسولف بس حسيت انه بياكلونه من كبره
لانه ماشالله مربرب وغزوزه ورديات .. حد يقوللي خفي عنه الاكل وحد يقولي عادي يوم بيبتدي يمشي بيخف
حتى فيه كحه من شهر ما طاعت تخوز واحس كله من عيون الناس والبشاكير خصوصا لانه من يشوفونه سيده يسالوني كم عمره و وزنه –. الله !! اقول في خاطريه ليكون انتن دكاتره وانا مادري ! بس ما ارد عليهن اقولهن قولو ماشالله واسكت حتى لو مسيحيات يقولن ماشالله خخخخخخخخخ
المهم عطوني حل شو اعطيه فالليل غير الحليب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اتعرفين انا ولدي كان جي ما شالله عليه طبيعة جسمه وحتى ابوه كان يقولي خففي الاكل عنه وهوه حليله طبيعة جسمه جي
وحسيت من حليب بروجرس الانه ينفخ ومن بدى يمشي ويفتهم الحين عمره سنه و11 شهر وضعف واااااااااااايد حتى الملابس مبهدله عليه مب نفس قبل فما عليج من كلامهم الانه الياهل يوم يبتدي يمشي يضعف
بس اذا تبينه ما ينش فالليل حاولي تعشينه زين قبل النوم وعطي اخر رضعه حليب وحطي معاه شاي ميلوبا انا جي اسويبهم ويشربون ويرقدون وهم مرتاحين واذا بيقوم مره او مرتين واصلا كل ما كبر كل ما رقد اكثر
والله يخليه لج
دائما من حد يشوفة سمي علية وقولي ماشالله فخاطرج
فديت روحة والله حلوين معززين وكتاكيت
المشاركة الأصلية كتبت بواسطة شجون الغرام 
دائما من حد يشوفة سمي علية وقولي ماشالله فخاطرج
فديت روحة والله حلوين معززين وكتاكيت
فديته
من يبدا يسنن وعقب يمشي بيضعف..
ودامه يبا يرضع رضعيه بالعافيه عـ قلبه.. ما عليج من كلام الناس الرب حافظنه..