اشحالكن خواتي
ومبارك عليكن الشهر والله يتقبل منكن جميع اعمالكن الصالحه
عندي مشكله مع ولدي وماعرفت كيف اتصرف معاه تعبت
الله يسلمكن ولدي عمره سنتين وسبع شهور
وصاير عصبي ودلووووع ويصيح وااايد
بس يخرب ويصرخ على اتفه الاشياااء
حاولت معاه يوقف الصراخ مافي فااااااايده والمشكله اللي متعبتني
انه مايسمع كلامي ولا يخاف مني اذا عصبت عليه او حاولت معاه مايعطيني سالفه والله تعبت
والمشكله الكبرى انه يقلدني في كل شي يلبس الكعب ويلبس الشيله والعباه
اذا بنسيير مكان يقولي يلا ماما عطيني شيلتي ……واحاول معاه واقوله عيب الشيله حق البنات واعطيه غتره مايطيع يفرها
اخر شي اعصب عليه واخليه يصيح لين مايسكت بروحه
دخيلكن بنات انصحووني كيف اتصرف معاه
والله خايفه عليه
ابغيه يسمع كلامي وابغيه يوقف الصراخ والتقليد لي
الحين اخته الصغيره عمرها سنه ونص صارت مثله عصبيه ماتحب احد ياخذ منها شيء
تبغي كل شي على كيفها وتزعل بسرعه
جربت اسلوب المحاوله والسكوت والتجاهل مااافي فايده
دخيلكن ابغي اربي عيالي صح
أنا بعد عيااالي مزاجيين ويعصبون احيانا مووول ماقدر اتحملهم
الله يوفقج يارب 
يبون يلفتون الانظار ويحسون ولاتنسين انهم يقلدون بعض في الصراخ والعصبيه وكل شي حتي انتي لو اتصارخين واتعصبين هم بيقلدونج "حاولي يوم يعصبون لاتهتمين وطنشي عشان ما يحسون انج مهتمه للموضوع ويزيدونه وفهميهم انه غلط وان شاء الله الامور طيبه
تقبلي مروري
المشكله مايسمعون كلامي >< الله يعين
وماشاءالله عليهم حركيتهم زااايده الله يسلمهم ويحفظهم
حتى ولدي الله يهديه كان جيه. صياح بسبب ومن غير سبب
والله لعوزني.. انا مااحب الازعاج والياهل الي يصيح طول الوقت يدلع
الحين الحمد لله اخف عن قبل
ماخليت طريقه ولا عقاب ما استخدمته وياه
ومع الايام بدا يخف شوي من الصياح
المشكله مب بس اذا كان ياهل واحد عصبي من بين اخوانه
احس اكثر شي يعور الراس اذا اخوانه تعلموا منه الصياح والازعاج
الحمد لله بناتي ماخذوا منه هالطبع. الله يهدي كل عيالنا
صدق تربية الياهل الصياح متعبه وايد ويبالها طولة بال اكثر عن تربية الياهل الي مب عصبي
في هالفترة الياهل يحاول يثبت نفسه .. الأهل يجوفونه عناد .. بس هو محاولة منه للإحساس بشخصيته .. طولي بالج عليه ..