ولــــدي ماياكل الارز .ولايداني ريحته الحقوني

مرحبا خواتي اشحالكن

ما بطول عليكن بس ولدي ماياكل ومستعد يقعد طول اليوم لين الليل بدون اكل بس يشرب ماي بكثره لايتريق ولا يتغدا ولا يتعشا عايش على الماء والروب (اليوقرت) وحليب البرغرس علب ولاياكل رز ولا دجاج ولا لحم ولا محاشي حاولت اغصبه يتفله مثل اللي تلوع جبدى .. .ضعف جسمه مع اني كل يوم قبل الرقاد اعطيه ملعقه عسل منذ الولاده لين الحين ….بدأت الحاله معاه منذ 3اشهر لما كمل سنتين ونص شو الحل ؟؟؟؟؟؟؟؟؟
مع العلم انه وحيدي ودوم يقولي يبا يروح عند عيال اخوي بس كل يوم ماروم عندي دوام كله يبا اطفال ويبا يلعب معاهم

يوم بيشوف العيال ياكلون بياكل جربي وضغطي على عمرج شويه ووديه وين يبى والله يخليه لج ويخليج له

الله يعينج والله شوفيله دكتور احسن عشان يعرف له اكثر ..

لا تغصبيه بعض الاطفال تجيهم حالات بعد الفطام او من شي مشكله مثلاا اذا عنده اخ جديد بيغار وتتاثر نفسيته

حاولي تسوي له أرز باللبن أو اطحني الرز وسوي له مهلبية وبدل السكر حطيله عسل ، ولو قدرت تجمعينه مع أطفال ثانيين راح تنفتح نفسه للأكل

السبب واضح عزيزتي من خلال كلامج ..
يعني يقولج يبا يسير يلعب مع عيال أخوج و ترفضين وأكيد هو يعاقبج بهالطريقه أو انه نفسيا كره الأكل من الوحده اللي عايش فيها ..

بسألج … الوقت اللي تكونين فيه بالدوام هو وين يكون ؟؟؟ أتمنى ما يكون مع الخدامه !!
شوفي في وقت دوامج وديه بيت أخوج ولو عندج خدامه شليها وياه عسب تلاحظه هناك وما تثجلين عليهم و بنفس الوقت هو بيستانس وبيلعب و نفسيا بيرتااااح ..
أو دخليه حضانه و انتي وديه وييبيه بطريجج عسب يرتاااااااااح و يستااااااانس في الحضانه مع اليهال ^^

و يوم بتردين من الدوام حاولي تقعدين وياه و تلعبين وياه و تعوضينه عن فتره غيابج ..
ترى اليهال ما يفكرون بالأكل كثر ما يفكرون باللعب والوناسه في هالعمر ^^

خلج جريبه منه وان شاء الله بتلاحظين الفرق ..