السلام عليكم
خواتي انا عندي تدريب واريد اتدرب مكان مناسب لتخصصي IT "information system"00
وما اعرف وين اختار ياريت حد يعطيني فكرة لمكان مناسب اقدر استفيد منه وايد وافيدهم طبعا…ويزاكن الله خير
و عليكم السلام ..
اختي شوفي التدريب في الكهربا الرئيسية ( قسم الاي تي التابع لانجاز ) ..
ولا اتصالات ..
و إذا تبين نصيحتي ؟ دوري قطاع خاص تتدربين فيه ..
ع الاقل شي احتمال يوظفونج عقب التدريب ..
مب مثل الحكومي .. فرصه التوظيف فيه معدومه
وانا رايي من راي الاخت انا تدريب 4 شهور بقطاع حكومي وكل الموظفين اللى هناك يقولون لي تستاهلين تكونين موظفه ويانا من كثر ما كنت اكرف وايي قبل الموظفين واظهر اخر وحده
وهذي انا لا توظفت ولا شي في البييييييت القطاع الخاص ابرك
شوفي البنوك او الاتصالات
تسلمون والله على النصيحة …
صح الغاليه شوفي القطاع الخاص
ان شاء الله بيوضفونج عقب
والله يسهل عليج
و انا رايي من راي الاخوات … اذا تبين الوظيفة شوفي الفطاع الخاص .. و بعدين حولي ع القطاع الحكومي لانها بتكون عندج خبرة حلوة
رااي من راااي الخوااات..
وعسى الله يوفقج