سلامي:1 (26): يا حلوات….بغيتكم تساعدوني في شي بسييييييييييييط … أنا أدور مسابيح حلوه (اللي تستخدم للتسبيح و تهليل) بخرزات فيروزي أو كرستالي..يعني شي حلو وراقي بس ماعرف وين محلات المسابيح…بس لازم يكون المحل في دبي ولا الشارجه أو عيمان..لأني مافيه أدوور وايد أنا والكروش جدامي ههههههههه…
الفكره اني أبا أسوي توزيعات حق البيبي عباره عن مسابيح قوم بو 33 أو 100 حبه من الصغار اللي ممكن تنحط في الشنطه ولا في السياره و بحط المسباح في علبه راقيه مع حلاوه.
ان شاء الله أحصل اللي أباه والفكره تتنفذ لأانه الهدف الأول من التوزيعات هو الأجر بإذن الله… 
همتكم ويايه يا حلوات…ولا عندها فكره ثانيه حلوه للتوزيعات لا تبخل علينا
لا تسوولي بو لبسينج عاد ههههههه (بو لباس يعني :1 (34): )
انا اذكر شفت مسابيح الكرستال في المحلات الكبرى في برجماان اشكالها حلوه وراقية
بس هذا من فترة طووويله جيه من سنتين
جيكي هناك وان شالله اتحصلين الشي اللي تبينة
يزاكم الله خير و ان شاء الله بسير و بشوف
الله يسهل عليج ولادتج ويوفقج في حياتج بس عندي لج كلمة..
المسبحة ما وردت عن الرسول صلى الله عليه وسلم وما ورد في أي من أحاديثه أو أحاديث الصحابة إنه كان يستعملها وفي علماء اعتبروها بدعة… أقولج لأن أميه كانت تستعملها بس لما ريلي شافها قالنا هالكلام..
ممكن تبدلين المسابح بكتيب صغير ((ورد المسلم)) أو إذا تبين كرستالات في محل اسمه ماكس عند بوهيل يبيع قواطي فيها مثل أحجار تشبه الكرستالات القوطي فيه 100 حبة بـ 5 دراهم..
شكله حلو حق علب التوزيعات..
والسموحه عالإطالة