و رجعت مريم بنت عبيد مره ثانية! اتحملوا من الشحاتات اللي يدخلون البيوت

شحالكن خواتي ؟

انا قبل 3 سنين حطيت موضوع عن سالفة شحاته دخلت علينا الصالة فجأه لا احم ولا دستور بدون ما تستأذن ولا اتدق الباب !

و يلست وياها و قمت بالواجب لان شكلها عيوز مواطنه لابسه عباة راس و رمستها شراتنا و انا اتحسبها تعرف اميه ولا يدوتي و آخر شي طلعت شحاته !!!!

و هذا رابط الموضوع الجديم فيه القصة كاملة :

https://forum.uaewomen.net/showthread.php?t=554385

تخيلوا اليوم رجعت مره ثانية ودخلت علينا هي نفسها

و كنا انا واختيه بروحنا في الصالة وما عندنا رياييل فالبيت وبعد مسويه نفس الحركة

وانا الغبية ما عرفتها و اول ما دخلت عفدت علينا تسلم و وايهتنا بعد شخباركم و شخبار امج و شو مسوين

و راحت يلست على اقرب غنفه و حطولها البشاكير ماي وعصير هههههههههههه

و انا بعدين شكيت في الموضوع اتذكرت السالفة الجديمه جان اقولها السموحة خالوه انتي تعرفينا ؟ ماعرفتج منو انتي ؟

جان تغير السالفة وين امج ازقريها قلتلها اميه محد في المستشفى و على طول تأكدت انها هي نفسها

شسوي عاد انا خواافه و استحي اهزب حد جان اشررد الغرفة و زقت اختيه الثالثة اللي اصغر عني و طاحت فيها مسودة الويه هههههههه

و يوم انا رحت داخل جان تقول حق اختيه اللي كانت ويايه نفس الاسم "مريم بن عبيد" هي نفسها اللي دخلت علينا من قبل

و يوم خبرت ربيعتيه من دبي قالتلي نفس الشي قبل يومين دخلت عليهم وحده سعوديه الصالة بدون ما اتدق الباب ولا تستأذن اونه نحن بنرجع السعودية وما عندنا فلوس حق البترول الله يخليكم ساعدونا !

و حبسوها في الصالة و تموا اخوانها يزاعجون عليها وقالولها بنتصل في الشرطة الحين ههههههههههههه

بس امهم قالتلهم خل تولي طلعوها برع و ريلها كان يترياها في السيارة بس يوم طلعوله خلاها و شرد عنها

اتحملوا خواتي مستويه ظاهره لا تخلون ابواب البيت مشرّعه خصوصاً اللي عندهم يهال صغار ودوامات

والله يخوفون شو هالوقااااحة وقلة الادب اللي فيهم !!!

احس اني هبله ومغفله مرتين مستويه ويايه نفس الحركة وماعرف اتصرف

مشكلتي طيبه زياده عن اللزوم و استحي من الناس واايد