شحالكن ياامهات انا حبيت انزل هالموضووع لأني اعرف معاناة كل ام تعاني مع مرض عيالها خصوصا في ظل انتشار الفايروسات اللي مانخلص منها مرض رايح ومرض ياي
الله يكفينا شر الامراض ويحفظ لنا عيالنا يارب .. مثل ماهو مبين من العنوان ان الهدف من هالموضووع هو تبادل الافكار والخبرات في مجال علاج الاطفال عن طريق الطب الشعبي بعيد كل البعد عن الادويه .. مثل الكحـــة والزكام والازمات الصدريه والمعويه للطفل والاسهال والامساك والزراع وانتو بكرامه ..
فما اني صاحبة الموضوع فحط لكم طريقة جربتها على بنتي وهي عمرها احينه سنه في وقت الزكام والصرااحه واااايد نفعتها الحمد لله وخفف عنها الزكام وماهو إلا يوم يالكثيير إلا رايح عنها ..
الطريقة هي ان نحط فيكس على ريل الياهل اقصد قاع الريل ونطحن مسمار وانحطه عالفكس وانلبس الياهل دلاغاات ونخلييه يرقد بهم بعد .. والحمد لله والحمد لله خف عنها لليوم الثاني وكان خفييف بشكل ..
وهذا موضوع الاخت مرام الحب .. وهي وصفه شعبيه تنفع لعلاج الاسهال والزواع وانتو بكرامه ..
https://forum.uaewomen.net/showthread.php?t=215942
ويالله احيينه يا دوركم عسب نفيد ونستفيد من تجارب بعض ياليت تعطونا خبراتكم ف علاج اطفالكم .. سواء الكحة وإلا الزكام او الاسهال او الامساك او الزواع بعيد عن الادويه
وبالنسبه لخبراتي في امراض اليهال والله الصراحه ماينفع اللا المضاد الحيوي أختي لأنه اذا داويتيه بالاعشاب بيخف صح بس بيرد يمرض عقب فتره قصيره بس المضاد يعطي مناعه و يقتل الفيروس او الجرثومه لفتره طوييييييييييله اذا كملتي العلاج نفس ما قال الدكتور
ولدي فديته دوووم بلااااعيمه ملتهبه وخفت عليه من المضاااداات هب زييين نعطيييهم دوووم وجان اسويله ( مر- وكركم )
وادهن رقبته واااايد فاده والحمدالله الحين هب دوووم يلتهبن البلااااعيم
( المر ) مفيييد للاذن بعد….
ومنكم نستفيد
ترا الموضوع وايدمهم ومفيييييييد
وانا ام جديده وما اعرف شي
ولدي يته حمى ووايد يزوع شو اسوي له يعني بوديه المستشفى
اذا كان فليل ويصيح ويزوع شو اسويبه
انا بعد امي تسوي لي لبان ويشربه ولدي من السعال والحمد لله يخف
اي شئ يديد اكتبوه ومنكم نستفيد