السلام عليكم ورحمة الله وبركاته
بنات انا من يومين دخلت الشهر الرابع
وكنت عند الدكتوره وتطمنت على كل شي ولله الحمد والشكر
بس قلت المشيمه شوي نازله وماخوفتني قالت كل شي طبيعي ولله الحمد
انا من طلعت من عندها وجاني اسهال واليوم الصبح ياني ويييع قوي في اسفل البطن اقل من دقيقه وراح
ف خايفه هل هالاشياء طبيعيه ولا لاء
شو اسووي
طمنوني انصحوني
منو صار لها جي
عادي حبيبتي لاتحاتين ويع اسفل بطن الحوض يتوسع وبيبي يكبر استسيري دكتورج افضل
لو استمرت التقلصات اسفل البطن والظهر راجعي الدكتورة اعتقد انها في الامعا بسبب الاسهال
ماعليج شر ان شاءالله
ماتشوفين شر اختي
ما تشوفين شر بس راجعي الدكتوره عشان تتطمنين اكثررر
لاتحاتين عادي أنا الإسهال من بداية حملي لين خلصت الخامس عقب صار إمساك هههههه كل يوم شيء وبالنسبة للمشيمة بترتفع لما تدخلين الشهر السادس ان شاءالله أناا كانت نازلة وأيد ونزفت وعقب صرت أخذ أبر تثبيت والحمدلله ارتفعت بالسادس وبالنسبة للألم جدا عادي الرحم يتوسع ومغص الإسهال يلعب دور بعد