يالله صباح الجمعة يالله عالفطور السوري يممممممممي

صبااااااااااااااااحكم عسل كيفكم تمام ؟؟؟
اليوم رح نزلكم طريقة اكلة سورية ممكن تعملوها على الفطور وممكن على العشاء وكتير مشهورة بسوريا اسمها ( تسقية) يعني الفتة وفي منها نوعين ( بزيت وبسمنة ) انا اليوم عملت بزيت واذا عجبتكم بعمل السمنة للمرة التانية
بسم الله نبدأ :
المقادير :
ملح . قلي . كمون . توم . حمص علبة واذا في يابس عندكم بتنقعو قدر كاستين قبل بيوم وتاني يوم بتسلقو بطنجرة الضغط لمدة تلت ساعة بالكتير . خبز سياحي واذا حبيتو تعملوه بالصمون بيطلع كتير طيب كمان . زيت زيتون
وهي صورة المقادير :

اول الشي نحط الحمص بالطنجر مع مي حتى يسخن

بعدين نقطع الخبز لقطع وسط ونحطهم بزبدية التقديم ونرش عليهم شوية ملح

بعدها منحضر الفقسة يعني ( صلصة الفتة ) منحط التوم ومعلقة شاي قلي وقدر كاسة صغيرة مي سخنة ومنخلطهم بالخلاط واثناء تشغيل الخلاط منفتح الغطاء الصغير ومنحط زيت زيتون بس ماتنزلو بكمية كبيرة نزلو شوي شوي متل الخيط حتى يصير لون الخلطة ابيض متل الحليب وبعدين بترجعو بتنزلو مي سخة شوي شوي حتى تتشكل رغوة عالوش وبس

بعدها بتكون غلت مية الحمص بتاخدو منها وبتشربو الخبز حتى يصير طري بس مو يدوب

وبعدين منشيل الحمص من مرقتو ومنخلطو مع الخبز

وبعدين محط الفقسة على الوش ومنرش عليها كمون ناعم وبتتقدم مع البصل الابيض او الاخضر

وهي صحن لاول وحدة ترد علي

وصحتين وهنا

Thanks very much its look Delicious. I ate it before my mother in law is from Syria. But I want to ask you what is قلي

عزيزتي القلي عبارة عن بودرة بيضاء متل بيكربونات الصوديو بتلاقيه عند البزوريات او السوبر ماركت

Thanks 7abebte

يسلمووووووو وصحتين على قلبكم

يسلمووو غلايه يعطيج العافيه ^^

يعطيج العافيه ^^

بس وين الريجيم ,, مسكتج وببلغ عليج الدوريــة ههههه