البنت ما منها فايده بتقولولي قربي من ربج واقري قرأن وكل هالكلام كل هذا اسويه بس مليت خلااااص مافي تغيير في حياتي السنين تمر على الفاضي حتى الصلاة مليت منها استغفر الله غصبن عني بس شو اسوي غيري ما يعرف اي شي عن دينه وعايش حياة سعيده وكل شي يباه يلقاه لكن انا شو خذت من الدنيا؟؟؟ انصح كل وحده متزوجه تدعي ان ربها يرزقها باولاد الاولاد احسن من البنات البنت ولا شي مجرد هم على اهلها …..
طفرت كل يوم اقول باجر يمكن تتغير حياتي يمكن يصير شي لكن ابدا مافي تغييير انا عايشه بس لاني عايشه لكن مب حاسه بطعم اي شي ولا استمتع باي شي وطول الليل وانا راقده افكر واحس بخوف واسأل نفسي شو انا… شو حياتي شو وظيفتي بس انش الصبح واكل واشوف التلفزيون واصلي واقرا قرأن انزين وبعدين لين متى صرت اعصب من كل حد خايفه في يوم من الايام امد ايدي على اي حد احس مرات يوم اعصب على حد لو عدالي سكينه كنت بشلها وبذبحه ولا بأذيه عقلي فاضي وحياتي فاضيه احس اني جاهله ولا كأني متعلمه وعندي شهاده واصلا نسيت كل شي نسيت الناس ونسيت الحياه وطبعا ربيعاتي كلهن عرسن وما تملي حد موبايلي ما يرن الا مرات من الاهل والمسجات اللي توصلني كلها مسجات دعايه واعلانات احتقر نفسي اني بنت وما احزن يوم اسمع بموت اي بنت … ياليتني انولدت ولد اتمناها من كل قلبي … مادري شو اسوي ابواب الدنيا مسكره في ويهي مع اني قريبه من ربي … ليش جذي والله مليت ولاعت جبدي
اطلعي شوفي الدنيا غير جو شو اللي يمنعج
ولا تقولين شو فايدة الصحة
بالعكس الصحة نعمة اصحاب الملايين يتمنونها ولا رقدة المستشفى
ياما اولاد محرومين من وايد نعم
ياما اولاد ما منهم فايدة لا لنفسهم ولا اهلهم ولا دولتهم
ياما اولاد كانوا سبب العار لاهلهم
وياما اولاد خيبوا ظن اهاليهم
وياما اولاد محرومين من اللي انتي عايشه فيه
في اولاد مب لاقين دراسة و لاشغل ولا حياة وهم فئة كبيرة عايشة بينا وغالبيتهم من البدون
شو تظنين حياتهم حلوة لاوالله والف لا وهالكلام اقوله لج من واقع حياة مريرة عايشت فيها هالناس
لادراسة –لان الدراسة بفلوس —
الشغل ما يتوظفون –لان ما عندهم جواز
واذا اشتغل ما يقدر يتزوج ويكون اسرة ويفتح بيت الا بعد ما يصك ال 30 –في اكثر الحالات
ارعرف 3شباب 2 مواطنين وواحد بدون
المواطنين اشتغلوا وملجوا –الله يبارك لهم — وقريب بيعرسون
اما البدون للحين من غير شغل –هل تظنين انه مستانس بالروحة والردة والطلعات !!!!!!!!
انتي تصلين وتدعين لكن هذا كله تسوين ع اساس شي تعودتي عليه
يعني العبادات صارت عادة عندج لااكثر
فما قمتي تحسين بطعمها ولا لذتها
دشي يوتيوب واسمعي كيف تتلذذ بالصلاة
صدقيني بتتغيرين
بس اسمعي باندماج وحرص ولا تخلينه شي ممل في حياتج
استمتعس بكل لحظة في حياتج
ما تدرين يمكن الشغل والزواج يشغلونج عن اشيا تحبينها
ياما بنات تمنوا الزواج وكانوا بيموتون ع شي اسمه ريل
لكن من تعرس تندم لان الحياة الزوجية غير وفيها عشرة لانسان غريب يحتاج وقت الين تتعودين عليه
او يمكن يضرج ويأذيج
صدقيني الحياة حلوة
حلوة ونحن ننعم بالصحة
حلوة ونحن نتنفس فيها في كل لحظة
حلوة بايمانا بان لنا رب خلقنا وهو يدبر امورنا (اللهم دبر لي فاني لااحسن التدبير لنفسي )
انا خريجة امتياز وصار لي 8 سنين ولا اشتغلت
قبل كنت ازعل واصيح
بس لما فكرت ان الشغل ممكن يشغلني عن حياتي وان هذي خيرة من ربي
ارتحت وعرفت ان ربي يبغي لي الخير في الشغل او غيره
نصيحة : صفي عقلج وفكرج عن شي اسمه شغل وعرس وبتلقين الشغل والعرس رواحهم بيوون الين عندج
ولاتيأسين من رحمة ربج
تعرفين قصة ايوب عليه السلام
18 سنة تم صابر ع البلاء والمرض وفقد الاولاد
فلما قالوا له ادعي الله انه يشفيك ويعطيك
رفض
وقال :استحي اساله
ومثل ما عشت في نعيم الفترة اللي طافت لازم اتعود ع الصبر والبلاء
لاتقولين هذا نبي وانا انسانه عادية
بالعكس هذي قصص من حياتهم عشان نتعظ بها
انا مرات بعد اقول ليتني كنت ولد ، ترى مب منه من المجتمع الي يتحرى البنت مب من حقها تعيش !!
بس قولي الحمد الله على كل حال فديتج و حاولي تدورين لج وظيفه او كملي دراسه .. موفقه
مهما كنتي بنت او ولد ,,
فاالنهاية البيزات والجواز مب اساس السعادة , ,