خواتي يعلم الله اني جاده بكلامي وهو داري بحالتي والسالفه ومافيها اني جربت كل جنسيات الخدامات
ويمكن مارتحت الا مع السيلانيات ومع هذا كنت على طول متخوفه واتوقع منهن مصيبه من كثر مااقرا عن مشاكل الخدامات بمنتدانا وبعد ماكملت الخدامه الاخيره مدتها سافرت ويعلم الله اني ماقصرت معاها بشيء وراحت وهي فرحانه علشان بتشوف ولدها واهلها بعد غيبه وبنفس الوقت كانت حزينه لانها بتفارقنا ومن فرحتها بعد ماوصلت اتصلت من هناك وطمنتني عليها وبلغتني شكر اهلها لي لمعاملتي الطيبه معاها المهم انا قعدت ثلاث سنين من بعدها بدون خدامه لاني صرت اقارن كل وحده جديده معاها والقى بكل وحده عيب فارجعها لكن تبون الصدق تعبت من الشغل وخاصه ان مافي حد معاي حرمه بالبيت يعني انا الانثى الوحيده بالبيت والباقي كلهم شباب وماارضى ان اي حد منهم يشتغل مادمت موجوده لكن ياء الوقت اللي بديت احس فيه اني محتاجه حد يساعدني ويونسني بنفس الوقت الله لايحكم عليكم بالوحده علشان جذي انا قبل قد دورت عن اخت او سيده عربيه وقلت لو اخت مصريه علشان بحس عندهم حنيه قلب وطيبه وخفة دم نادر تلقاها عند الغير .. ترضى تكون مدبرة منزل لعائله صغيره ولو عندها ليسن الامارات يكون احسن علشان تقدر تساعدني بالسواقه لما اتعب ويكون رايحين مشوار بعيد للعين او راس الخيمه او عجمان او حتى المنطقه الغربيه و تكون شاطره بالطبخ علشان اكلهم حلو ومعروف للكل وبالنسبه للراتب انشاء الله مابنختلف عليه وهو حسب شغلها ونشاطها بالبيت ولها يوم اجازه شرط تقعده بالبيت ومااعتقد انها راح تحس بملل بالبيت لان اكثر الايام راح نطلع فيهن برع البيت وممكن اوفر لها بالبيت كل وسائل الترفيه اللي الواحد ممكن يحتاجها كتسليه بدءا بالكتب وانتهاء بالتلفزيون والدي في دي { هذا في حالة كانت عربيه اما السيلانيه فانا مادلعها وايد } … وفي حالة مالقيت سيده عربيه ياليت اللي عندها سيلانيه وتعرف تطبخ { علشان ترحمنا من اكل المطاعم } وتعرف زين لشغل البيت من كوي وكنس وغسل ثياب والباقي انتوا تعرفونه ياليت اللي عندها وحده تقولي وانا مستعده اخذها خاصة ان رمضان قرب وانا اريد اتفرغ للعباده وقراءة القران وجزاءكم الله كل خير …
واملي بالله اولا وبكم من بعده
يعني وفيه في شغلها ونظافتها وكامله من كل النواحي انتي ئيبي لج خدامه وعليمها
وراقبيها من ناحيه النظافه والطبخ.
وإذا بدورين خدامه مثل السيلانيه اللي عندج تراج بتتعبين
المشاركة الأصلية كتبت بواسطة أم المزيونه33 
يعني وفيه في شغلها ونظافتها وكامله من كل النواحي انتي ئيبي لج خدامه وعليمها
وراقبيها من ناحيه النظافه والطبخ.
وإذا بدورين خدامه مثل السيلانيه اللي عندج تراج بتتعبين
انا معاك اختي بكلامك من ناحيه اني مابلقى انسانه بكل المواصفات اللي اتمناها والسالفه سالفة حظ مو اكثر .. ومشكوره وايد لنصيحتك اللي اقدرها واقدر صاحبتها وماقصرتي اختي يكفي اهتمامك للرد على اخت لك في الله ماتعرفينها بس هو الخير اللي زرعه الله فينا ومازال موجود بفئه كبيره من الناس فالحمد لك يارب … والله يعوض علي بانسانه احسن من اللي راحت وتاكدي اختي انا بالاخر باروح اي مكتب للخدم وبشوف لي وحده بس حابه انه يكون اخر حل الجا له وقلت اجرب حظي هني ومع هذا اقولك والله اني كتبت هالكلام والطلب وانا بعد متخوفه لان الدنيا مو مثل اول هي بالفعل صارت تخوف …. اختي انتي نصحتيني وانا بالمقابل لك مني دعوه من القلب بان الله يحبب خلقه فيك اكثر واكثر ويعطيك من عنده على وسع امين يارب
المشاركة الأصلية كتبت بواسطة bellegirl مشكوره اختي وربي يوفقك بالمثل وازود ياغاليه بيض الله وجهك دنيا واخره