يا بنااااات الحقووووووو عليناااااااااا :( :(

السلام عليكم ورحمة الله وبركاته ..

والله انيه ترددت اكتب .. بس ما رمت لازم اخذ رايكن وابا اشوف وجهة نظركن في الموضوع ..

كلكن تحيدن موضوع اخو ريلي .. بس بكتبها باختصار عشان الي ما يعرفونها .. اخو ريلي كان يبا وحده على سنة الله ورسوله لكن اهله وقفو فويهه وسارو من وراه خطبوله وعقب حطوه تحت الامر الواقع وحلف عليه يده انه لو ما سوا الي يبونه لا هم اهله ولا يعرفونه … وطبعا خضع للامر الواقع.. صح انه دافع عن الشي الي يباه بس ما باليد حيله..و خلاص قلتلكن الريال ملج على البنيه الي بيونها اهله من عقب حرووب معاهم.. وطبعا كان مغصوب لانه حاط ف باله رمست يده .. وما حب يخسرهم

لكن الموضوع ما انتهى هني .. العرس بيتحدد جريب .. والريال بعده خاطره في البنيه الي يباها .. الحينه الي يخططله انه لو الله كتب وعرس بيسعى انه ياخذ البنيه الي يباها لانه قال انا رضيت اهليه والحينه لازم ارضي عمريه … لكن هو كل يوم يدعي انه الله ما يتمم هالعرس ويصير شي وينتهي عسب يسييير طيرااان صوب البنيه الي يباها وياخذها ..

طبعا الحينه انا مالومه انا من البدايه كنت واقفه وياه والوووم الاهل الي خلو الريال جي يسوي ويفكر لو هم الله يهديهم وافقو على البنيه الي يباها جان ما ظلموه ولا ظلمو بنت العرب الي استوت على ذمته الحينه ويفكر يعرس وياخذ غيرها وهي بعدها ما عاشت معاه …

حبيت اعرف صح الي يفكر فيه ولا غلط؟؟ وحطو عماركم مكاانه .. شو بتسوون ؟؟
شو يسوي عشان يوصل للي يباه ؟؟؟

بغيت رايكم ^^

والله موقف صعب اختيه ما اعرف شو اقول
والله مسكين
الله يوفقه ويحقق اللي فباله وينوله اللي يتمناها يارب
الله كريم

تسملين الغلا على اول رد .. وامييين الله يوفقه ان شاء الله ويحققله الي يتمناه ..

خله يرضى اهله وعقب يرضى نفسه

الي يفكر فيه غلط
ليش يظلم بنت العرب ويفكر يعرس وياخذ غيرها وهي مالها ذنب

يا يظلقها او مايعرس

اولا الله يحقق له مناه و يوفقه يارب ..

ثانيا .. من اول اسباب الطلاق والمشاكل الزوجيه هو ( زواج الغصب ) !!! سواء للبنت او للولد

يعني الحين شو ذنب بنت الناس ؟؟ متغربله و ماتعرف المستقبل الي ينتظرها … !؟

الله يسامح اهله يارب ..

بس كما تدين تـــــــــــــدان

مشكوره اختيه على الرد .. بس في ناس مظلومين في السالفه