أحب الإمارات وأهلها وجتني فرصة وافق زوجي نزورها … أسبوع أو اسبوعين حسب المصاريف
هل هي مناسبة في أيام رمضان مافي مهرجانات ..
وش أفضل الفنادق أو الشقق الرخيصة وكم أسعارها = حالتنا وسط
أفضل المولات في دبي ومولات رخيصة ابي فساتين وبلايز للدوام والمنتزهات اين أفضلها ..
هل البترول عندكم غالي بنجئ بر والدول الثانية بترولها غالي مثل ما سمعت والبنزين يأخذ مصروف
من تسوي لي جدول سياحي لمدة اسبوع او أسبوعين أرجوكم لا تردوني بارك الله فيكم
فديتكم ياأهل الأمارات ومانستغني عن نصايحكم
بالعكس الامارات روووعه ف كل وقت وكل زمان
وحبوبه بخصوص المولات ف دبي
عندج
-دبي مول
-الفيستيفال
-مردف سيتي سنتر
-ابن بطوطه
-مول الامارات
-ميركاتو
-المارينا
-سيتي سنتر مول ومسكن
-البستان فيه فساتين سهره روووووعه،،واغلب محلاته تبيع فساتين
-الدراغون رخيص فيه كل شي ملابس اكسسوارات ادوات منزلية كفرات مفارش كل ما يخطر على البال،،وبضاعتهم صينية،،وهو مول صيني،،ويسمونه التنين
-الآوت لت
-مركز ابو هيل اذا تبين تفصلي لج عبايات
بالنسبه للفنادق
-كمبنسكي
-جزيرة النخلة
-الفيستيفال كونتيننتال
-ابراج الامارات
-برج خليفه
-المروج روتانا
-القصر
مينا السلام
وغيرهم من الفنادق
واذا حابه شقق فندقية حلوه ومرتبه واسعارها معقوله
عندج
-كورال الخوري
-كورب
والبترول احيده غالي،،والله يعينا ويعينكم عليه
ويا مرحبا الساع فيكم ومرحب ملاييـــــــــــــــــــــــن ولا يسدن
المشاركة الأصلية كتبت بواسطة um bander 
حياج الله اختيه،،وافا عليج،،حاضرين للطيبين ف اي وقت طال عمرج
ادخلي موقع بوكننق ودوري شقق رخيصه بتلقين وايد
والاسوالق عندج المراكز اللي ذكرتهم الاخت قبلي
وعندج بعد الملا بلازا يسوون فيه معرض في رمضان واغراضهم حلوة ورخيصه
وعندج سوق نايف عندج لبس للصغاريه حق البيت وعندهم قطع اذا تشترينهم وتسوينهم قمصان او فساتين
وعندج سوق عكاظ يبيع جلابيات ودخون وعطورات عربيه
وعندج قريه الهدايا والقبائل للهدايا والتحف
هذا اللي عندي الحين وان شاء الله اذا تذكرت اي شي بخبرج
واذا بغيتي اي مساعده طرشيلي رساله خاصه