يا حريم؟؟ شو سالفتكن؟ معقوله وصلتو لهالدرجه!!

اولا كل عااااااام وانتو بألف خيير وصحه وسلامه ورمضان كرييييم وتقبل الله صلاه وصيام وأعمال جميع المسلمين يارب

بدش في الموضوع

انا ملاحظه … دووم … انه المتزوجات وايد يحبن يتكلمن عن علاقتهن الخاصه برياييلهن! فاهمين شو قصدي طبعا! يعني ابا اعرف (اسمحولي عالالفاظ بس لازم اقول عشان تفهمن) ليش يكتبن انا اليوم رقدت ويا ريلي ولا انا اليوم مارست ويا زوجي!! يعني تبا بس تراوي الناس انه عندها ريل يـ (….) !! انتو موافقيني فكلامي ولا لا يا بنات! يعني بديهيا انتي متزوجه نعرف انه عندج ريل خلاص ونعرف يعني شو الاشيا اللي تستوي بين الازواج! لااااااازم يعني تكتبين وتراوين خلق الله كلهم انتي وريلج شو تسوون! والللللله العظيم وربي شاهد وانا في رمضان الحين .. اني مستحييييييل وما اتخيل عمري فيوم ايي واكتب اني انا سويت جيه وجيه وجيه مع ريلي ! اصلا ما بييب طاري الاسرار البسيطه عشان اييب طاري علاقتنا الزوجيه! هذا شي شاعري وخاااااااص جدا جدا جدا جدا بج انتي وزوجج!! كيف تخبرين الكل عنه! وخلونا صريحات! صح ان كلنا خوات هني… لكن بعد مهما يكون نحنا ما نعرف بعض … يعني عمليا نعتبر غرب .. كيف تكتب الوحده هالكلام حق ناس غرب! ومب لانه عندها مشكله او شي…لا … بس جيه! وطبعا انا ما اعمم!

حبيت اضيف هالرد هني لاني نسيت احطه من ضمن الكلام

المشاركة الأصلية كتبت بواسطة مسك دبي

الله يهديهن ان شاء الله

يا خواتي لازم اتخافن من العين مب زين جي

لا يخافن من العين ولا من ربهن! و اصلا حتى لو اتجاهلتي موضوع العين واتكلمتي مثلا عن الموضوع من ناحيه انسانيه… نحن مب حيوانات! الله فضلنا عن الحيوان بان علاقتنا الزوجيه او الجنسيه مع ازواجنا ما تكون عالعلن! والله الحريم بكلامهن و وصفهن الدقييييييييق… جنهن يسوونها عالعلن !! تقدرين تتخيلين اللي تبين تتخيلينه!

مشكورة الغاليه عالمرور

ملاحظه : الرجاء عدم تحويل الموضوع الى ساحه معركه وخلونا نتناقش باسلوب راقي على وعسى وحده من المقصودات تقرا وتعقل وترد تحاسب نفسها!

المشاركة الأصلية كتبت بواسطة اشواق بدو

سلمتي صج اختي كل سر بين الزوجين محروم حد يعرفه ويكفي صج نعرف ان اي وحده عندها ريال ربي يسعدهن ويا رييلهن لا يقولن ان ها حسد ولا غيره ولا ولا بس يمكن الي يرمسوون جذى مب حرييم وها راي شخصي مب معقول الحريم استوو نشبه كل وحده تقول اشيا اصلا ما تقبل تخبر اي حد فيها وها من اكبر الاسرار وها اكيد ان اي حرمه تستحي تقول حق رايلها اي شي يمكن تقول بلاشاره بس يوم اتي المنتدى تستوي قويه مب معقول الي قلته يمكن يستوي صج يعني في اسامي فلمنتدى مب حرييييييييييييييييم وهم الي يشووهون صورت الحريم نااسين ان هاي عادات وتقاليد وحرمات نااس

اولا مشكووورة لانج اول وحده رديتي
ثانيا هيه والله صدقتي … احتمال عووود بعد انهن مب حريم ولا معرسات بعد من الاصل

تسلمين عالمرور الرائع

المشاركة الأصلية كتبت بواسطة saasmo

فعلا الامر حاصل الله يهديهم

مشكوره الغاليه على مرورج

المشاركة الأصلية كتبت بواسطة مريم الراشدي

صدقج و الله انا بعد الاحظ بس عن نفسي مستحيل اتكلم في هذي المواضيع ابد

بارك الله فيج الغاليه… للاسف في فئات كل اسرار علاقتهم الزوجيه منشوره على حبل الغسيل .. وبدون سبب… يعني بس جيه سوالف… الله يهديهن

مشكورة عالمرور